పశ్చిమ ఆఫ్రికాలోని నైజీరియా మరోసారి ఉగ్రవాద దాడితో దద్దరిల్లింది. బోర్నో రాష్ట్ర రాజధాని మైదుగురిలో ఉన్న ఓ మసీదును(Mosque Blast) లక్ష్యంగా చేసుకుని బుధవారం సాయంత్రం ఘోర పేలుడు జరిగింది. ఈ ఘటనలో కనీసం పది మంది ప్రార్థనల్లో పాల్గొన్న భక్తులు ప్రాణాలు కోల్పోయారు. పలువురు తీవ్రంగా గాయపడటంతో మృతుల సంఖ్య పెరిగే అవకాశం ఉందని అధికారులు తెలిపారు.
Press freedom Bangladesh : జర్నలిస్ట్పై బెదిరింపు, “ఆఫీస్కు నిప్పు పెడతాం” అని హెచ్చరిక
ప్రార్థనల సమయంలో సంభవించిన పేలుడు
గంబోరు మార్కెట్ ప్రాంతంలోని రద్దీ మసీదులో(Mosque Blast) సాయంత్రం ప్రార్థనల వేళ ఈ పేలుడు సంభవించింది. పెద్ద సంఖ్యలో భక్తులు మసీదులో ఉండటంతో ఒక్కసారిగా భయాందోళనలు నెలకొన్నాయి. పేలుడు తీవ్రతకు మసీదు భాగాలు కూలిపడగా, దట్టమైన పొగతో అక్కడ పరిస్థితి అస్తవ్యస్తంగా మారింది.
మసీదు లోపల ముందుగానే పేలుడు పదార్థాలు అమర్చివుండొచ్చని లేదా ఆత్మాహుతి దాడి జరిగి ఉండొచ్చని స్థానిక మిలీషియా నేతలు అనుమానిస్తున్నారు. భద్రతా బలగాలు ఘటనాస్థలిని చుట్టుముట్టి దర్యాప్తు చేపట్టాయి.
బోకో హరామ్ లేదా ఐసిస్ అనుమానం
ఈ దాడికి ఇప్పటివరకు ఏ ఉగ్రవాద సంస్థ బాధ్యత స్వీకరించకపోయినా, ఈ ప్రాంతంలో క్రియాశీలకంగా ఉన్న బోకో హరామ్ లేదా ఐసిస్ అనుబంధ గ్రూపుల పాత్ర ఉండొచ్చని భద్రతా అధికారులు భావిస్తున్నారు. 2009 నుంచి నైజీరియాలో కొనసాగుతున్న ఉగ్రవాద హింసలో ఇప్పటివరకు సుమారు 40 వేల మంది ప్రాణాలు కోల్పోగా, 20 లక్షల మందికిపైగా తమ ఇళ్లను వదిలి వెళ్లాల్సి వచ్చింది.
మళ్లీ పెరుగుతున్న ఉగ్ర ముప్పు
గత కొన్నేళ్లుగా మైదుగురిలో పెద్ద ఎత్తున దాడులు జరగకపోవడంతో ప్రజలు కొంత నిశ్చింతగా ఉన్నారు. ఈ పరిస్థితుల్లో మసీదునే లక్ష్యంగా చేసుకుని దాడి జరగడం స్థానికుల్లో తీవ్ర భయాన్ని కలిగిస్తోంది. ఐక్యరాజ్యసమితి నివేదికల ప్రకారం హింస తగ్గినట్టే కనిపిస్తున్నా, నైగర్, చాద్ వంటి పొరుగు దేశాలకు ఉగ్రవాదం విస్తరిస్తుండటం అంతర్జాతీయంగా ఆందోళనకు కారణమవుతోంది.
Read hindi news: hindi.vaartha.com
Epaper : epaper.vaartha.com
Read also:
