అమెరికాలో జరుగుతున్న లీగ్స్ కప్ 2025 ఫైనల్లో ఇంటర్ మయామీ స్టార్ ఫుట్బాలర్ లియోనెల్ మెస్సీ (Lionel Messi) కి ఊహించని షాక్ తగిలింది. ప్రపంచ ఫుట్బాల్ చరిత్రలో అత్యుత్తమ ఆటగాడిగా గుర్తింపు పొందిన మెస్సీకి ఈసారి అమెరికన్ లీగ్ ఫుట్బాల్లో ఓ చేదు అనుభవం ఎదురైంది.ఫైనల్ మ్యాచ్ సియాటెల్ సౌండర్స్, ఇంటర్ మయామీ జట్ల మధ్య సియాటెల్లోని లుమెన్ ఫీల్డ్ స్టేడియంలో జరిగింది. ఈ మ్యాచ్ను రికార్డు స్థాయిలో 69,314 మంది అభిమానులు ప్రత్యక్షంగా వీక్షించారు. అభిమానులు మెస్సీ మాయాజాలాన్ని మళ్లీ చూడాలని ఆశించారు. కానీ ఈ సారి పరిస్థితి పూర్తిగా విరుద్ధంగా మారింది.మొదటి సగం నుంచే సియాటెల్ ఆటగాళ్లు దూకుడుగా ఆడి, మయామీ రక్షణను దెబ్బతీశారు. 15వ నిమిషంలోనే సియాటెల్ సౌండర్స్ (Seattle Sounders) తమ మొదటి గోల్ సాధించింది. ఆ తర్వాత కూడా ఇంటర్ మయామీ డిఫెన్స్ లోపాలను ఉపయోగించుకొని 35వ, 67వ నిమిషాల్లో మరికొన్ని గోల్స్ సాధించారు. చివరికి మ్యాచ్ను 3-0 తేడాతో సియాటెల్ సౌండర్స్ గెలుచుకుంది.
సియాటెల్ డిఫెన్స్ వారిని కట్టడి చేసింది
ఈ విజయంతో సియాటెల్ సౌండర్స్ మేజర్ నార్త్ అమెరికన్ టోర్నీ టైటిల్ను సొంతం చేసుకుంది. అభిమానులు తమ జట్టుకు గర్జనలతో అభినందనలు తెలిపారు. ఈ గెలుపు అమెరికన్ ఫుట్బాల్ చరిత్రలో ఒక మైలురాయిగా నిలిచింది.ఫైనల్ మ్యాచ్లో సియాటెల్ సౌండర్స్ తమ ఆధిపత్యాన్ని మ్యాచ్ ప్రారంభం నుంచే చాటుకుంది. మ్యాచ్ 26వ నిమిషంలో ఓసాజే డి రోసారియో హెడర్తో మొదటి గోల్ కొట్టి ప్రేక్షకులను ఉర్రూతలూగించాడు. అనంతరం రెండో అర్థభాగంలో అలెక్స్ రోల్డన్ పెనాల్టీ కార్నర్ను గోల్ గా మలిచి ఆధిక్యాన్ని రెట్టింపు చేశాడు. మ్యాచ్ ముగిసే ముందు 89వ నిమిషంలో పాల్ రోత్రాక్ (Paul Rothrock) మూడో గోల్ కొట్టి విజయాన్ని ఖాయం చేశాడు.మయామీ జట్టులో స్టార్ ఆటగాళ్లు ఉన్నప్పటికీ.. సియాటెల్ డిఫెన్స్ వారిని కట్టడి చేసింది. లియోనెల్ మెస్సీ కొట్టిన ఓ హెడర్ను జాక్సన్ రాగెన్ అడ్డుకోగా.. లుయిస్ సువారెజ్ ఇచ్చిన ఒక మంచి పాస్ను గోల్ పోస్ట్పైకి కొట్టాడు. గోల్ కొట్టడంలో మెస్సీ అత్యంత చాకచక్యంగా వ్యవహరిస్తాడని పేరున్నా.. ఈ సారి మాత్రం సులభమైన అవకాశాన్ని కోల్పోయి అందరినీ ఆశ్చర్యపరిచాడు.
ఒక కాన్కాకాఫ్ ఛాంపియన్స్ కప్
మయామీకి 60వ నిమిషంలో మరో మంచి అవకాశం లభించినప్పటికీ టెడియో అలెండే అది మిస్ చేశాడు.ఈ విజయం సియాటెల్ సౌండర్స్ జట్టుకు లీగ్స్ కప్ ను సాధించి పెట్టడమే కాకుండా.. వారి చరిత్రలో మరో మైలురాయిని చేర్చింది. ఇప్పటికే రెండు MLS కప్స్, ఒక సపోర్టర్స్ షీల్డ్, 4 యూఎస్ ఓపెన్ కప్స్, ఒక కాన్కాకాఫ్ ఛాంపియన్స్ కప్ ఉన్న ఈ జట్టుకు లీగ్స్ కప్ కూడా చేరింది. ఇంటర్ మయామీ జట్టు జీతాల బిల్లు సియాటెల్ జట్టు కంటే దాదాపు మూడు రెట్లు ఎక్కువగా ఉన్నప్పటికీ (మయామీ $46.8 మిలియన్లు, సియాటెల్ $16.7 మిలియన్లు), సియాటెల్ తమ కఠినమైన డిఫెన్స్తో విజయం సాధించింది.
మెస్సీ ఎక్కడ జన్మించాడు?
మెస్సీ 1987 జూన్ 24న అర్జెంటీనా దేశంలోని రోసారియో నగరంలో జన్మించాడు.
మెస్సీ కెరీర్ను ఎక్కడ ప్రారంభించాడు?
చిన్నతనంలోనే రోసారియోలోని “న్యూవెల్స్ ఓల్డ్ బాయ్స్” క్లబ్లో ఫుట్బాల్ ఆడడం ప్రారంభించాడు. తర్వాత బార్సిలోనా క్లబ్ అకాడమీ (లా మాసియా)లో చేరి తన ప్రతిభను నిరూపించుకున్నాడు.
Read hindi news: hindi.vaartha.com
Read also:
