Israel Iran War: ఇరాన్ సుప్రీం లీడర్ అయతుల్లా అలీ ఖమేనీని లక్ష్యంగా చేసుకుని ఇజ్రాయెల్ నిర్వహించిన అత్యంత రహస్య మరియు భారీ సైనిక చర్యకు సంబంధించిన కీలక వివరాలను ఇజ్రాయెల్ డిఫెన్స్ ఫోర్సెస్ (IDF) అధికారికంగా వెల్లడించింది. ఫిబ్రవరి 28న టెహ్రాన్లోని ఇరాన్ ప్రభుత్వ ప్రధాన కార్యాలయంపై జరిగిన ఈ దాడి అంతర్జాతీయ స్థాయిలో ప్రకంపనలు సృష్టిస్తోంది.
Read Also: Iran us israel : ఇరాన్ అమెరికా ఇజ్రాయెల్ యుద్ధం వారం రోజుల్లో జరిగిన కీలక ఘటనలు
50 యుద్ధ విమానాలతో గగనతల దాడి
ఈ భారీ ఆపరేషన్కు ‘ఆపరేషన్ రోర్ ఆఫ్ ది హారియర్’ (Operation Roar of the Harrier) అని పేరు పెట్టారు. శుక్రవారం ఐడీఎఫ్ వెల్లడించిన వివరాల ప్రకారం.. ఈ దాడిలో దాదాపు 50 అత్యాధునిక యుద్ధ విమానాలు పాల్గొన్నాయి. టెహ్రాన్ నడిబొడ్డున ఉన్న అత్యంత కట్టుదిట్టమైన భద్రత కలిగిన ప్రాంతాలను లక్ష్యంగా చేసుకుని ఇజ్రాయెల్ వాయుసేన ఈ మెరుపు దాడిని నిర్వహించింది.
భూగర్భ బంకర్లే లక్ష్యంగా ఇంటెలిజెన్స్ ఆపరేషన్
ఇజ్రాయెల్ ఇంటెలిజెన్స్ విభాగం అందించిన పక్కా సమాచారంతో, టెహ్రాన్ లీడర్షిప్ కాంప్లెక్స్ కింద ఉన్న భారీ భూగర్భ బంకర్లను ఐడీఎఫ్ ధ్వంసం చేసింది. ఇరాన్ పాలకులు అత్యవసర సమయాల్లో యుద్ధ వ్యూహాలను రచించడానికి, తమ మిలిటరీ ప్లాన్స్ను అమలు చేయడానికి ఎంతో శ్రమించి ఈ బంకర్లను నిర్మించుకున్నారు. అనేక వీధుల వరకు విస్తరించి ఉన్న ఈ భూగర్భ నెట్వర్క్ను ఇజ్రాయెల్ క్షిపణులు మట్టికరిపించాయి.
ఖమేనీ వినియోగించుకునే లోపే విధ్వంసం
అనేక వీధులకు విస్తరించి ఉన్న ఈ బంకర్ లో సీనియర్ అధికారుల కోసం మీటింగ్ రూమ్ లు, ఎంట్రీ పాయింట్లు ఉన్నాయని, దీనిని ఖమేనీ వినియోగించుకునేలోపే ధ్వంసం చేశామని ఇజ్రాయెల్ సైన్యం వివరించింది.ఖమేనీ హతం తర్వాత కూడా ఇరాన్ సీనియర్ అధికారులు ఈ కాంప్లెక్స్ ను వినియోగిస్తున్నారని ఐడీఎఫ్ తెలిపింది. ఈ దాడి ద్వారా ఇరాన్ అత్యంత కీలకమైన కమాండ్ అండ్ కంట్రోల్ వ్యవస్థను దెబ్బతీశామని, ఇది ఆ దేశ మిలిటరీ సామర్థ్యంపై తీవ్ర ప్రభావం చూపుతుందని పేర్కొంది. ఇరాన్ లోనే అత్యంత కట్టుదిట్టమైన భద్రత కలిగిన ఈ ప్రాంతాన్ని సుదీర్ఘ నిఘా అనంతరం ధ్వంసం చేసినట్లు ఇజ్రాయెల్ స్పష్టం చేసింది.
Read hindi news: hindi.vaartha.com
Epaper: epaper.vaartha.com
Read Also:
