Global billionaires : ప్రపంచ కుబేరుల జాబితాలో భారత్ మరోసారి తన స్థానం నిలుపుకుంది హురున్ గ్లోబల్ రిచ్ లిస్ట్ 2026 ప్రకారం భారత్ ఈసారి కూడా మూడో స్థానంలో నిలిచింది దేశంలోనే కాక ఆసియాలో కూడా రిలయన్స్ ఇండస్ట్రీస్ చైర్మన్ ముకేశ్ అంబానీ అత్యంత సంపన్నుడిగా నిలిచారు.
ప్రపంచ స్థాయిలో చూస్తే ముకేశ్ అంబానీకి 17వ స్థానం లభించింది అంబానీ కుటుంబ సంపద గత ఏడాదితో పోలిస్తే 9 శాతం పెరిగి సుమారు రూ 9.8 లక్షల కోట్లకు చేరుకుంది భారత పారిశ్రామిక వేత్తలు అన్ని రంగాల్లోనూ ప్రపంచంతో పోటీ పడుతున్నారని నివేదిక వెల్లడించింది.
ప్రస్తుతం ప్రపంచ వ్యాప్తంగా కృత్రిమ మేధ రంగం వేగంగా అభివృద్ధి చెందుతోంది దీనివల్ల కొత్త బిలియనీర్లు కూడా పెద్ద సంఖ్యలో ఎదుగుతున్నారు ప్రపంచ బిలియనీర్లలో ఏఐ కంపెనీలకు చెందిన వారు 114 మంది ఉన్నారు.
చరిత్రలో తొలిసారిగా ఒక బిలియన్ డాలర్లకు పైగా సంపద కలిగిన వారి సంఖ్య 4020కు చేరుకుంది ఇందులో భారత్ నుంచి 308 మంది కుబేరులు ఉన్నారు అలాగే కొత్తగా 24 మంది భారతీయులు ఈ జాబితాలో చేరారు.
దేశాల వారీగా చూస్తే చైనా 1110 మంది బిలియనీర్లతో మొదటి స్థానంలో నిలిచింది అమెరికా 1000 మంది కుబేరులతో రెండో స్థానంలో ఉండగా భారత్ 308 మంది బిలియనీర్లతో మూడో స్థానంలో నిలిచింది.
Read Also: Israel Iran War: 50 యుద్ధ విమానాలతో ఇరాన్ పై ఇజ్రాయెల్ దాడి
భారతదేశంలో నగరాల వారీగా చూస్తే ముంబైలో అత్యధికంగా 95 మంది బిలియనీర్లు ఉన్నారు తరువాత ఢిల్లీ 64 మంది బెంగళూరు 30 మందితో వరుస స్థానాల్లో నిలిచాయి
భారతీయ కుబేరులలో మహిళలు కూడా మంచి స్థానం సంపాదించారు మొత్తం 23 మంది మహిళలు ఈ జాబితాలో చోటు దక్కించుకున్నారు వారి మొత్తం సంపద రూ 9.8 లక్షల కోట్లుగా ఉంది.
ప్రపంచ స్థాయిలో టెస్లా మరియు స్పేస్ ఎక్స్ అధినేత ఎలాన్ మస్క్ మరోసారి అత్యంత సంపన్నుడిగా నిలిచాడు ఆయన సంపద 792 బిలియన్ డాలర్లకు చేరుకుంది రెండో స్థానంలో అమెజాన్ వ్యవస్థాపకుడు జెఫ్ బెజోస్ ఉండగా మూడో స్థానంలో ఆల్ఫాబెట్ కు చెందిన లారీ పేజ్ నిలిచారు
భారతదేశంలో ముకేశ్ అంబానీ తర్వాత గౌతమ్ అదానీ కుటుంబం రెండో స్థానంలో ఉంది మూడో స్థానంలో హెచ్సీఎల్ టెక్ చైర్మన్ రోష్నీ నాడార్ కుటుంబం నిలిచింది తరువాత సీరమ్ ఇన్స్టిట్యూట్ స్థాపకుడు సైరస్ పూనావాలా మరియు ఆదిత్య బిర్లా గ్రూప్ అధిపతి కుమార మంగళం బిర్లా ఉన్నారు.
ప్రపంచ కుబేరుల జాబితాలో తెలుగువారు కూడా మంచి స్థానం సంపాదించారు దివీస్ లేబొరేటరీస్ చైర్మన్ మురళి దివి అగ్రస్థానంలో నిలిచారు అలాగే పి పిచ్చి రెడ్డి పి వి కృష్ణా రెడ్డి జీఎం రావు బి పార్థసారథి రెడ్డి వంటి పలువురు ప్రముఖులు కూడా ఈ జాబితాలో చోటు దక్కించుకున్నారు.
Read hindi news: hindi.vaartha.com
Epaper: epaper.vaartha.com
Read Also:
