ప్రపంచంలోనే అత్యంత భారీ నది అయిన అమెజాన్( Amazon River) సుమారు 7,000 కిలోమీటర్లు ప్రయాణిస్తుంది. బ్రెజిల్తో(Brazil) పాటు పెరూ, ఈక్వెడార్, కొలంబియా, బొలివియా, వెనిజులా, గయానా, సురినామ్ వంటి దేశాల మీదుగా ఈ నది ప్రవహిస్తుంది. సాధారణంగా దీని వెడల్పు 3 నుండి 10 కిలోమీటర్లు, అయితే వర్షాకాలంలో ఇది 48 కిలోమీటర్ల వరకు విస్తరించటం ప్రత్యేకం. అమెజాన్ నదిలోని లోతు కూడా ఆశ్చర్యకరం — కొన్ని ప్రాంతాల్లో ఇది 330 అడుగులకు చేరుతుంది.
Read Also: Russia: పుతిన్ భారత్ పర్యటనపై అక్కసు వెళ్ళగక్కిన పాకిస్తాన్
వంతెనలు నిర్మించడం ఎందుకు కష్టసాధ్యం?
అమెజాన్ నదిపై( Amazon River) ఒక్క వంతెన కూడా లేకపోవడానికి ప్రధాన కారణాలు ఇవే:
1. అత్యంత మృదువైన నేల
అమెజాన్ చుట్టూ ఉన్న అటవీ ప్రాంతాల్లో నేల అత్యంత సడలుగా, మట్టి తరహాలో ఉంటుంది. ఇలాంటి నేలపై భారీ వంతెనలను నిలబెట్టడానికి కావలసిన బలమైన పునాదులు చేయడం చాలా కష్టం.
2. విస్తృతమైన అటవీ వ్యవస్థ
అమెజాన్ను “భూమి ఊపిరితిత్తులు” అంటారు. ఇక్కడి వృక్షజాలం, జంతుజాలం ప్రపంచంలో ఎక్కడా కనిపించని జీవవైవిధ్యాన్ని కలిగి ఉంది. వంతెనల నిర్మాణం ఈ సహజ వ్యవస్థకు పెద్ద ప్రమాదాన్ని కలిగిస్తుంది. అందుకే నిర్మాణాలను ప్రభుత్వం, పర్యావరణ సంస్థలు కఠినంగా నిరోధిస్తాయి.
3. విస్తారమైన నది ప్రవాహం
నది ప్రవాహ వేగం, భారీ వరదలు, నీటి స్థాయిలో భారీ మార్పులు — ఇవన్నీ వంతెన నిర్మాణాన్ని అత్యంత క్లిష్టం చేస్తాయి. వర్షాకాలంలో వెడల్పు దాదాపు ఐదు రెట్లు పెరగడం ఇంజనీరింగ్కు పెద్ద చిక్కు.
4. రోడ్డు రవాణా అవసరం తక్కువ
అమెజాన్ ప్రాంతాల్లో జనాభా సాంద్రత చాలా తక్కువ. ప్రజలు ప్రధానంగా నదినే రవాణా మార్గంగా ఉపయోగిస్తున్నారు. బోట్లు, ఫెర్రీలే ప్రధాన ప్రయాణ సౌకర్యం కావడంతో వంతెనల అవసరం తక్కువగానే ఉంది.
5. ఖర్చు–లాభం పోలిక లేదు
అక్కడ వంతెన నిర్మాణం చేయాలంటే వేల కోట్ల రూపాయలు ఖర్చవుతుంది. కానీ రవాణా అవసరం అంతగా లేకపోవడం వల్ల ఆ పెట్టుబడి ప్రయోజనకరం కాదని ప్రభుత్వాలు భావిస్తాయి.
ప్రస్తుతం ఎలా ప్రయాణిస్తారు?
అమెజాన్ ప్రాంతాల్లో ప్రజలు ఇప్పటికీ బోట్లను, చిన్న నౌకలను ఉపయోగించి నది దాటుతారు. ఇది అక్కడి సంస్కృతిలో ఒక భాగంగా మారిపోయింది. నదిమీద నిర్మించిన చిన్నపాటి వంతెనలు ఉన్నా, అవన్నీ ఉపనదులపై మాత్రమే. ప్రధాన అమెజాన్ నదిపై ఇప్పటికీ ఒక్క వంతెన కూడా లేదు!
Read hindi news: hindi.vaartha.com
Epaper: epaper.vaartha.com
Read also:
