అమెరికా అధ్యక్షుడు డోనాల్డ్ ట్రంప్ వాణిజ్య విధానాలకు గట్టి ఎదురుదెబ్బ తగిలింది. ఎమర్జెన్సీ పవర్స్ (IEEPA) కింద ట్రంప్ ప్రభుత్వం గతంలో విధించిన సుంకాలను (Tariffs) అక్రమమని తేల్చిన యూఎస్ సుప్రీంకోర్టు తీర్పు నేపథ్యంలో, తాజాగా యూఎస్ ట్రేడ్ కోర్ట్ (USCIT) కీలక ఆదేశాలు జారీ చేసింది. వివిధ కంపెనీల నుండి వసూలు చేసిన అదనపు టారిఫ్ మొత్తాన్ని వెంటనే రిఫండ్ చేయాలని కోర్టు స్పష్టం చేసింది. ఈ నిర్ణయం వల్ల అమెరికా ఖజానా నుండి సుమారు $175 బిలియన్ల (రూ. 14.5 లక్షల కోట్లకు పైగా) సొమ్మును దిగుమతిదారులు మరియు వ్యాపార సంస్థలకు తిరిగి చెల్లించాల్సి ఉంటుంది.
BR Naidu : జగన్ పై బీఆర్ నాయుడు ఫైర్
ఈ వివాదానికి ప్రధాన కారణం ట్రంప్ తన రెండో విడత అధికారంలోకి వచ్చిన తర్వాత తీసుకున్న దూకుడు నిర్ణయాలే. 1977 నాటి అంతర్జాతీయ అత్యవసర ఆర్థిక అధికారాల చట్టం (IEEPA) కింద, కాంగ్రెస్ అనుమతి లేకుండానే ట్రంప్ ఏకపక్షంగా ప్రపంచ దేశాల నుండి వచ్చే దిగుమతులపై భారీగా సుంకాలు విధించారు. ముఖ్యంగా డ్రగ్స్ స్మగ్లింగ్ మరియు వాణిజ్య లోటును సాకుగా చూపి చైనా, మెక్సికో వంటి దేశాల నుండి వచ్చే వస్తువులపై 10% నుండి 50% వరకు పన్నులు వేశారు. అయితే, పన్నులు విధించే అధికారం రాజ్యాంగబద్ధంగా కేవలం కాంగ్రెస్కు మాత్రమే ఉంటుందని, అధ్యక్షుడు ఈ అధికారాలను దుర్వినియోగం చేశారని కోర్టు పేర్కొంది.
ఈ తీర్పుతో సుమారు 2,000కు పైగా కంపెనీలకు భారీ ఊరట లభించనుంది. కాస్ట్ కో, రెవ్లాన్ వంటి దిగ్గజ సంస్థలతో పాటు వందలాది చిన్న వ్యాపారాలు ఈ రిఫండ్ కోసం కోర్టును ఆశ్రయించాయి. అయితే ఈ భారీ మొత్తాన్ని తిరిగి చెల్లించడం అమెరికా ఆర్థిక వ్యవస్థపై పెను ప్రభావం చూపే అవకాశం ఉంది. దీనిని అడ్డుకోవడానికి ట్రంప్ యంత్రాంగం ఇతర చట్టాలను (ఉదాహరణకు 1974 ట్రేడ్ యాక్ట్) ఉపయోగించి ప్రత్యామ్నాయ సుంకాలు విధించేందుకు ప్రయత్నిస్తోంది. ఏదేమైనా, ట్రేడ్ కోర్ట్ తాజా ఆదేశం ట్రంప్ “టారిఫ్ వార్” కు పెద్ద బ్రేక్ వేసిందనే చెప్పాలి.
Read Also hindi news: hindi.vaartha.com
Read Also Epaper : epaper.vaartha.com
Read Also :
