Balendra Shah Nepal : నేపాల్ రాజకీయాల్లో సంచలన ఫలితం వెలుగులోకి వచ్చింది. ర్యాపర్ నుంచి రాజకీయ నాయకుడిగా మారిన బాలేంద్ర షా మాజీ ప్రధాని కేపీ ఓలీని భారీ మెజార్టీతో ఓడించి అందరినీ ఆశ్చర్యపరిచారు.
ఝాపా-5లో భారీ మెజార్టీ
నేపాల్ సార్వత్రిక ఎన్నికల్లో ఝాపా-5 నియోజకవర్గం నుంచి పోటీ చేసిన బాలేంద్ర షా 68,348 ఓట్లు సాధించారు. మరోవైపు నాలుగుసార్లు ప్రధానిగా పని చేసిన కేపీ ఓలీకి కేవలం 18,734 ఓట్లు మాత్రమే రావడంతో 50 వేలకుపైగా మెజార్టీతో ఓటమి పాలయ్యారు.
ర్యాపర్ నుంచి రాజకీయ నాయకుడిగా
బాలేంద్ర షా ప్రజల్లో ‘బాలెన్’ అనే పేరుతో ప్రసిద్ధి చెందారు. 2022లో ఖాట్మాండ్ మేయర్గా స్వతంత్ర అభ్యర్థిగా గెలిచి సంచలనం సృష్టించారు. ఆయన ర్యాప్ గాయకుడిగా కూడా ప్రసిద్ధి చెందారు. యూట్యూబ్లో ఆయన ఛానల్కు దాదాపు 10 లక్షల మంది సబ్స్క్రైబర్లు ఉన్నారు.
Read Also: Israel Iran war : యుద్ధ భయం, స్నానం కోసం యాప్ వాడుతున్న ఇజ్రాయెలీలు?
భారతదేశంలో చదువు
బాలేంద్ర షా కర్ణాటకలోని విశ్వేశ్వరయ్య సాంకేతిక విశ్వవిద్యాలయం నుంచి స్ట్రక్చరల్ ఇంజినీరింగ్లో మాస్టర్స్ చేశారు.
సోషల్ మీడియా ఉద్యమంలో కీలక పాత్ర
2025లో నేపాల్ ప్రభుత్వం సోషల్ మీడియాపై నిషేధం విధించినప్పుడు యువత పెద్ద ఎత్తున నిరసనలు వ్యక్తం చేసింది. ఆ సమయంలో జరిగిన ఉద్యమంలో బాలేంద్ర షా కీలక పాత్ర పోషించారు.
నేపాల్ రాజకీయాల్లో మార్పు సంకేతం?
ప్రస్తుతం నేపాల్ ఎన్నికల్లో రాష్ట్రీయ స్వతంత్ర పార్టీ (RSP) మంచి ఫలితాలు సాధిస్తోంది. పార్టీ ఇప్పటికే 25 సీట్లలో విజయం సాధించి, మరిన్ని స్థానాల్లో ఆధిక్యంలో ఉంది.
Read hindi news: hindi.vaartha.com
Epaper: epaper.vaartha.com
Read Also:
