అమెరికా అధ్యక్షుడు డొనాల్డ్ ట్రంప్ (Donald Trump) సూచనల్ని పక్కనపెట్టి, యాపిల్ (apple ) కంపెనీ తన భారత్కు సంబంధించిన వ్యూహాలను ముందుకు సాగిస్తోంది. ట్రంప్ ఇటీవల టిమ్ కుక్ను ఉద్దేశించి, “భారత్లో తయారీ కేంద్రం ఏర్పాటు చేయవద్దు, అక్కడ అధిక సుంకాలు ఉన్నాయి” అని వ్యాఖ్యానించినా, యాపిల్ మాత్రం తన ఉత్పత్తి ప్రణాళికల్లో ఎలాంటి మార్పులు చేయడం లేదని స్పష్టం చేసింది. ప్రస్తుతం యాపిల్ సంస్థ భారత్లో తయారీ సామర్థ్యాన్ని గణనీయంగా పెంచుతున్నది. ఇది “మేక్ ఇన్ ఇండియా” కార్యక్రమానికి పెనుగు చేతిగా మారుతోంది.
ఐఫోన్లలో పెద్ద భాగం ఇకపై “మేడ్ ఇన్ ఇండియా”
భారత్లో తయారీ విస్తరణ వల్ల యాపిల్కు బహుళ ప్రయోజనాలున్నాయని కంపెనీ వర్గాలు స్పష్టం చేశాయి. అమెరికా మార్కెట్ కోసం ఉత్పత్తి చేసే ఐఫోన్లలో పెద్ద భాగం ఇకపై “మేడ్ ఇన్ ఇండియా”గా మారనుంది. అదే సమయంలో చైనాలో ఉత్పత్తి కొనసాగించటం ద్వారా మిగిలిన దేశాల అవసరాలను తీర్చనుంది. ఇది వ్యూహాత్మకంగా చైనాలో తయారైన ఐఫోన్లపై అమెరికా విధించే అధిక సుంకాల్ని తప్పించుకునేందుకు ఉపయోగపడనుంది. యాపిల్ తన సరఫరా వ్యవస్థను పూర్తిగా అమెరికాలో తిరిగి నిర్మించడం కష్టమైనదిగా నిపుణులు అభిప్రాయపడుతున్నారు.
ఐఫోన్లలో సుమారు 15 శాతం భారత్లోనే
ప్రస్తుతం ప్రపంచవ్యాప్తంగా అమ్మబడుతున్న ఐఫోన్లలో సుమారు 15 శాతం భారత్లోనే తయారవుతున్నాయి. తెలంగాణలో ఎయిర్పాడ్స్ వంటి ఇతర గ్యాడ్జెట్ల తయారీ కూడా జరుగుతోంది. భారత ప్రభుత్వం ఇచ్చే ప్రోత్సాహకాలు, దిగువ ఖర్చులు, నిపుణుల మౌలిక సదుపాయాలు వంటి అంశాల వల్ల యాపిల్ వంటి గ్లోబల్ కంపెనీలు భారత్ వైపు మొగ్గు చూపుతున్నాయి. ఇప్పటికే 2025 ఆర్థిక సంవత్సరంలో రూ.1.5 లక్షల కోట్ల విలువైన ఐఫోన్లను భారత్ నుంచి ఎగుమతి చేసినట్లు కేంద్ర మంత్రి అశ్వినీ వైష్ణవ్ తెలిపారు. దీనివల్ల భారత్ గ్లోబల్ ఎలక్ట్రానిక్స్ హబ్గా మారే అవకాశాలు పెరిగాయి.
Read Also : Earthquake in Turkey : తుర్కియే దేశంలో భూకంపం
