అమెరికా (America) చరిత్రలో ఎన్నడూ లేని పరిస్థితి రాబోతోంది. దాదాపు 250 ఏళ్లలో తొలిసారిగా దేశ జనాభా తగ్గుముఖం (The country’s population is declining) పట్టనుందని తాజా నివేదికలు సూచిస్తున్నాయి. వలసలు తగ్గిపోవడం, జననాల రేటు పడిపోవడం ప్రధాన కారణాలని అమెరికన్ ఎంటర్ప్రైజ్ ఇన్స్టిట్యూట్ (ఏఈఐ) స్పష్టం చేసింది.ఏఈఐ అంచనాల ప్రకారం, 2025లో జనాభా తగ్గుదల నమోదు కానుంది. ఈ ఏడాది అమెరికాకు వచ్చే వలసదారులు 5.25 లక్షలకు తగ్గవచ్చని తెలిపింది. అదే సమయంలో, గత ఏడాది దేశంలో కేవలం 5.19 లక్షల జననాలు మాత్రమే జరిగాయి. ఈ లెక్కల ప్రకారం, ఈ ఏడాదిలోనే జనాభా దాదాపు 6 వేల వరకు తగ్గే అవకాశం ఉందని నిపుణులు విశ్లేషిస్తున్నారు.
ఇంతకు ముందు ఎప్పుడూ జరగని పరిణామం
అమెరికా జనాభా ఇంత తీవ్రంగా తగ్గిపోవడం చరిత్రలో ఎప్పుడూ జరగలేదు. లక్షల మంది ప్రాణాలు తీసిన అంతర్యుద్ధం సమయంలో గానీ, ప్రపంచాన్ని కుదిపేసిన కరోనా మహమ్మారి సమయంలో గానీ జనాభా పెరుగుదల ఆగలేదు. ఇప్పుడు మాత్రం పరిస్థితి పూర్తిగా భిన్నంగా మారబోతోందని నిపుణులు హెచ్చరిస్తున్నారు.ఇన్స్టిట్యూట్ ఫర్ ఫ్యామిలీ స్టడీస్ (ఐఎఫ్ఎస్) తాజా సర్వే ప్రకారం, రాబోయే 30 ఏళ్ల పాటు అమెరికాలో జననాల రేటు 1.6 వద్దే ఉండే అవకాశం ఉంది. ఒక దేశ జనాభా స్థిరంగా ఉండాలంటే మహిళల సగటు జనన రేటు 2.1 ఉండాలి. కానీ ప్రస్తుత రేటు చాలా తక్కువగా ఉండటం తీవ్ర ఆందోళన కలిగిస్తోంది.
వలసదారుల తగ్గుదల ప్రభావం
డొనాల్డ్ ట్రంప్ రెండోసారి అధ్యక్షుడిగా బాధ్యతలు స్వీకరించిన తర్వాత వలసదారుల సంఖ్య గణనీయంగా తగ్గిపోయింది. ఆయన హయాంలో దాదాపు 20 లక్షల మంది అమెరికా విడిచి వెళ్లినట్లు నివేదికలు చెబుతున్నాయి. దీనివల్ల కూడా జనాభా తగ్గుదలకు పెద్ద కారణం ఏర్పడింది.జననాల రేటు పడిపోవడం, వలసలు తగ్గిపోవడం కలిసి అమెరికాను ఒక చారిత్రక మార్పు దిశగా నడిపిస్తున్నాయి. ఇది దేశ ఆర్థిక వ్యవస్థ, శ్రామిక వనరులు, భవిష్యత్ అభివృద్ధిపై పెద్ద ప్రభావం చూపనుందని నిపుణులు హెచ్చరిస్తున్నారు.అమెరికా దాదాపు రెండు శతాబ్దాల తర్వాత తొలిసారిగా జనాభా తగ్గుదలని చూడబోతోంది. దీనికి ప్రధాన కారణాలు తక్కువ జననాలు, తగ్గిన వలసలు. రాబోయే దశాబ్దాల్లో ఈ ప్రభావం మరింత పెరిగే అవకాశం ఉందని నిపుణులు చెబుతున్నారు. ఈ పరిస్థితి దేశ భవిష్యత్తుకు ఎంతటి సవాలు అవుతుందో చూడాలి.
Read Also :
