బాలీవుడ్కు చెందిన సుప్రసిద్ధ గాయని అల్కా యాజ్ఞిక్ పాటలకు ప్రపంచవ్యాప్తంగా కోటీశ్వరుల నుంచి సామాన్యుల వరకు అభిమానులు ఉన్నారు. అయితే, ఒకప్పుడు ప్రపంచాన్ని వణికించిన ఉగ్రవాది ఒసామా బిన్ లాడెన్ కూడా అల్కా పాటల వీరాభిమాని అని తెలిసినప్పుడు ఆశ్చర్యం కలగకుండా ఉండదు. ఇటీవల సోషల్ మీడియాలో వైరల్ అవుతున్న ఓ ఇంటర్వ్యూ క్లిప్లో అల్కా యాజ్ఞిక్ తన పాటలపై బిన్ లాడెన్ చూపించిన ఆసక్తిపై స్పందించారు.
లాడెన్ డెన్లో బాలీవుడ్ పాటలు
2011లో అమెరికా సీఐఏ (CIA) పాకిస్థాన్లోని అబోటాబాద్లో ఒసామా బిన్ లాడెన్ తలదాచుకున్న ఇంటిపై దాడి చేసి అతన్ని హతమార్చింది. ఆ దాడిలో లభించిన కొన్ని రికార్డింగ్స్లో బాలీవుడ్ పాటల కాసెట్లు, రికార్డింగ్లు ఉన్నట్టు అప్పట్లోనే వార్తలు వచ్చాయి. ముఖ్యంగా అల్కా యాజ్ఞిక్ పాడిన పాటలతో పాటు, ఉదిత్ నారాయణ్, కుమార్ సాను వంటి గాయకుల పాటల రికార్డింగ్లు కూడా లభించాయి. లాడెన్ తన డెన్లో బాలీవుడ్ పాటలు వినేవాడా? అతనికి అల్కా పాటలు ఎందుకింత ఇష్టం? అనే ప్రశ్నలు అప్పట్లోనే చర్చనీయాంశమయ్యాయి. నిర్మాత అను రంజన్తో జరిగిన ఓ ఇంటర్వ్యూలో అల్కా యాజ్ఞిక్ ఈ విషయంపై స్పందించారు. “ఒసామా బిన్ లాడెన్ నా అభిమాని కావడం నా తప్పా?” అంటూ నవ్వుతూ ప్రశ్నించారు. అతడు ఒక భయంకరమైన ఉగ్రవాది. కానీ, అతనిలో కూడా ఓ కళాభిమానిని ఊహించుకోవచ్చు. ప్రపంచంలోని చాలా మంది సంగీతాన్ని ప్రేమిస్తారు. లాడెన్లోనూ ఆ కోణం ఉండొచ్చేమో! ఏది ఏమైనా, నా పాటలను లాడెన్ వినడం ఆసక్తికరమే అని అన్నారు. లాడెన్ దాచుకున్న ఇంట్లో లభించిన మ్యూజిక్ రికార్డింగ్స్లో కొన్ని హిట్ బాలీవుడ్ సాంగ్స్ ఉన్నాయట. అందులో ముఖ్యంగా: ‘అజ్నాబీ ముజ్కో ఇత్నా బాతా’ – ప్యార్ తో హోనా హై థా ‘గూంగట్ కీ ఆడ్ సే’ – హమ్ హై రాహీ ప్యార్ కే ‘కుచ్ కుచ్ హోతా హై’ – కుచ్ కుచ్ హోతా హై ఈ పాటలన్నీ 90ల కాలంలో సూపర్ హిట్ సాంగ్స్. బహుశా లాడెన్ యువకుడిగా ఉన్నప్పుడు ఈ పాటలను వినేవాడేమో అని నెటిజన్లు అభిప్రాయపడుతున్నారు. ల్కా యాజ్ఞిక్ 90ల నుంచి 2000ల వరకూ బాలీవుడ్ను ఏలిన గాయని. ఆమె గానం శ్రోతల హృదయాలను దోచేసేంత మధురంగా ఉంటుంది. ఆమె గాత్రస్వరానికి ఎన్నో అవార్డులు వచ్చాయి. ముఖ్యంగా, ‘గూంగట్ కీ ఆడ్ సే’ (హమ్ హై రాహీ ప్యార్ కే) – జాతీయ అవార్డు, ‘కుచ్ కుచ్ హోతా హై’ (కుచ్ కుచ్ హోతా హై) – జాతీయ అవార్డు అవార్డులు గెలుచుకున్నారు.
