డివాన్స్ మోడరన్ బ్రూవరీస్ తయారుచేసిన ‘మన్షా’ విస్కీ, జర్మనీలో జరిగిన మైనింగర్స్ ఇంటర్నేషనల్ స్పిరిట్స్ అవార్డ్ (International Spirits Award) (ISW) 2025లో “ఇంటర్నేషనల్ విస్కీ ఆఫ్ ది ఇయర్” అవార్డును గెలుచుకుంది.దీనితోపాటు గ్రాండ్ గోల్డ్ మెడల్ కూడా ఈ బ్రాండ్ ఖాతాలో చేరింది. విమర్శకులు మన్షా విస్కీ రుచిని ఆకాశానికి ఎత్తేశారు. జిమ్ మర్రే అనే ప్రముఖ టేస్టింగ్ నిపుణుడు దీన్ని మాల్ట్ ప్రియుల కలగా అభివర్ణించారు.డివాన్స్ బ్రూవరీస్లోనే తయారైన మరో బ్రాండ్ ‘అడంబర’ కూడా తక్కువ కాదు. ఇది అమెరికాలోని లాస్ వెగాస్లో జరిగిన ఇంటర్నేషనల్ విస్కీ కాంపిటీషన్ (IWC) 2025 లో రెండు అవార్డులు గెలుచుకుంది.
బెస్ట్ సింగిల్ మాల్ట్ ఇండియన్ విస్కీ
బెస్ట్ ఇండియన్ విస్కీ
అడంబర ప్రత్యేకత దాని స్మోకీ ఫ్లేవర్. ఇది జమ్మూలోని హిమాలయ ప్రాంతంలో తయారవుతుంది, ఏకకాలంలో దేశీయత, నైపుణ్యానికి ప్రతీకగా నిలుస్తోంది.హిమ్మలెహ్ స్పిరిట్స్కు చెందిన ‘బందర్ఫుల్’ అనే లిక్కర్ (A liqueur called ‘Banderful’) కూడా ఈ ఏడాది సంచలనం సృష్టించింది. యుఎస్ఏ స్పిరిట్స్ రేటింగ్స్ 2025లో గోల్డ్ మెడల్ గెలిచి భారత లిక్కర్ మార్కెట్ స్థాయిని మరో మెట్టు ఎక్కించింది.ఒకప్పుడు స్కాట్లాండ్, జపాన్ లాంటి దేశాలదే విస్కీ మార్కెట్లో ఆధిపత్యం. కానీ ఇప్పుడు పరిస్థితి మారింది. భారత బ్రాండ్లు ఇప్పుడు అదే స్థాయిలో పోటీ ఇస్తున్నాయి.
ఇందుకు ప్రధాన కారణాలు:
అంతర్జాతీయ ప్రమాణాల తయారీ ప్రక్రియ.
హై క్వాలిటీ మాల్ట్ వినియోగం.
వినూత్న రుచుల కలయిక.
వరల్డ్ క్లాస్ బ్రూయింగ్ టెక్నాలజీ.
మార్కెట్ పెరుగుదలతో అవకాశాలు విస్తరిస్తున్నాయి
ఇప్పుడు విదేశీ మార్కెట్లలో భారత విస్కీలకు డిమాండ్ అమాంతం పెరుగుతోంది. బ్రిటన్, అమెరికా, జర్మనీ వంటి దేశాల్లో భారతీయ స్పిరిట్స్ స్థానాన్ని పెంచుకుంటున్నాయి.భారతీయ బ్రాండ్లు ఇప్పుడు కేవలం లోకల్ మార్కెట్కే పరిమితం కాదు. ఇవి గ్లోబల్ స్టేజ్పై సత్తా చాటుతున్నాయి.విశ్లేషకుల అభిప్రాయం ప్రకారం, ఇది భారత స్పిరిట్స్ పరిశ్రమకు గోల్డెన్ ఏజ్. నాణ్యతపై దృష్టి పెడుతున్న బ్రాండ్లు, అంతర్జాతీయ మార్కెట్లో పట్టు సాధించగలుగుతున్నాయని వారు అభిప్రాయపడ్డారు.భారత విస్కీ బ్రాండ్లు ఇప్పుడు ప్రపంచానికే గర్వకారణంగా మారాయి. మన్షా, అడంబర, బందర్ఫుల్ లాంటి బ్రాండ్లు దేశ ప్రతిష్టను నిలబెట్టడమే కాదు, భారత లిక్కర్ రంగానికి నూతన దిశ చూపిస్తున్నాయి.
Read Also :
