భారత్–పాక్ మధ్య అణ్వాయుధ యుద్ధం జరుగకుండా ఆపిన వ్యక్తినిగా తనను తాను అభివర్ణించుకుంటూ, అమెరికా అధ్యక్షుడు డొనాల్డ్ ట్రంప్ (Donald Trump) తాజాగా సంచలన వ్యాఖ్యలు చేశారు. తాను బుల్లెట్లు కాకుండా వాణిజ్యంతోనే యుద్ధాన్ని నిలిపేశానని గర్వంగా చెప్పారు.ట్రంప్ శుక్రవారం రెండు వేర్వేరు సందర్భాల్లో ఈ విషయాన్ని ప్రస్తావించారు. మొదట జాయింట్ బేస్ ఆండ్రూస్ (Andrews) వద్ద విలేకరులతో మాట్లాడుతూ, భారత్ – పాకిస్థాన్ మధ్య తీవ్ర స్థాయిలో ఉద్రిక్తతలు ఏర్పడ్డప్పుడు, నేను ఓ కీలక ఒప్పందాన్ని కుదిర్చాను. ఈ విషయం గురించి ఎవ్వరూ మాట్లాడటం లేదు. కానీ, ఆ సమయంలో పరిస్థితి చాలా ప్రమాదకరంగా ఉండేది, అని చెప్పారు.ఇరుదేశాలు అణ్వాయుధ సామర్థ్యం కలిగినవే. అలాంటి పరిస్థితుల్లో ఒక చిన్న తప్పు కూడా భయంకరమైన యుద్ధానికి దారి తీసేది, అని ట్రంప్ అన్నారు. కానీ, తాను చొరవ తీసుకుని వాణిజ్య మార్గంలో ఒక డీల్ను కుదిర్చినట్లు తెలిపారు. యుద్ధాన్ని తుపాకులతో కాకుండా, ట్రేడ్ టేబుల్ మీద ఆపగలిగాను,” అంటూ చెప్పుకొచ్చారు.
ఇండియాతో కొత్త వాణిజ్య ఒప్పందం త్వరలో
ఇండియాతో త్వరలో కొత్త వాణిజ్య ఒప్పందం కుదిరే అవకాశం ఉందని ట్రంప్ వెల్లడించారు. “ఇండియాతో ట్రేడ్ డీల్పై చర్చలు జరుగుతున్నాయి. త్వరలోనే ఓ మంచి ఒప్పందం కుదురుతుంది, అన్నారు. అలాగే, వచ్చే వారం పాకిస్థాన్ ప్రతినిధులు వాషింగ్టన్కి రానున్నారని కూడా తెలిపారు.
యుద్ధం కొనసాగితే, ఒప్పందాల గురించి ఆలోచించేవాడిని కాదు
ట్రంప్ ఓవల్ ఆఫీస్లో కూడా ఇదే విషయాన్ని ప్రస్తావిస్తూ, ఒకవేళ యుద్ధం కొనసాగుతూ ఉండి ఉంటే, వాణిజ్య ఒప్పందాలపై ఆసక్తి నాకు ఉండేది కాదు, అని స్పష్టం చేశారు. అంటే, ఆ సమయంలో ఆయన్ను ఏకకాలంలో డిప్లమాట్ గానూ, వ్యాపారవేత్తగానూ భావించవచ్చు.
ట్రంప్ ప్రకటన: అణ్వాయుధ యుద్ధం అడ్డుకున్నందుకు గర్వంగా ఉన్నా
వాణిజ్య మార్గంలో భారత్–పాక్ మధ్య ఒప్పందం
ఇండియాతో త్వరలో ట్రేడ్ డీల్
పాక్ ప్రతినిధులు వచ్చే వారం అమెరికా వచ్చేందుకు సిద్ధం
“యుద్ధం అయితే, ట్రేడ్ లేదు” – ట్రంప్
Read Also : Boko Haram : నైజీరియాలో పాకిస్థానీయుల అరెస్ట్
