హైదరాబాద్ మియాపూర్ పరిధిలోని గోపాల నగర్లో ఉదయం తీవ్ర విషాదం చోటుచేసుకుంది. బ్లడ్ శాంపిల్ తీసుకొని బండిపై ప్రయాణిస్తున్న ల్యాబ్ టెక్నీషియన్ను స్కూల్ బస్సు ఢీకొట్టిన ఘటనలో అతడు అక్కడికక్కడే ప్రాణాలు కోల్పోయాడు.
స్కూల్ బస్సు వేగంగా ఢీకొట్టడంతో తలకు ప్రమాదం
ల్యాబ్ టెక్నీషియన్ నాగరాజు ఎప్పటిలానే విధుల్లో భాగంగా బ్లడ్ శాంపిల్స్ తీసుకుని బైక్పై వెళ్తుండగా, మియాపూర్ (Miyapur) లో గోపాల్ నగర్ వద్ద గ్లోబల్ ఎడ్జ్ స్కూల్కు చెందిన బస్సు అతడిని వేగంగా ఢీకొట్టింది. ఢీకొట్టిన తక్షణానే ఆయన బైక్తో సహా కింద పడిపోయాడు. తలకు తీవ్ర గాయాలవడంతో సంఘటనా స్థలంలోనే నాగరాజు మృతి చెందారు.
ప్రమాదం అనంతరం హల్చల్: స్థానికుల ఆవేదన
ఈ సంఘటనతో గోపాల్ నగర్ ప్రాంతంలో ఉద్రిక్తత నెలకొంది. స్థానికులు స్కూల్ బస్సు డ్రైవర్ (School bus driver) నిర్లక్ష్యంగా వాహనం నడపడం వల్లే ఈ విషాదం చోటుచేసిందని ఆరోపించారు. తక్కువ వయస్సు పిల్లలతో కూడిన బస్సు నిర్లక్ష్యంగా నడుపుతున్నారని మండిపడ్డారు.
కెమెరాలో రికార్డు: కేసు నమోదు చేసిన పోలీసులు
ప్రమాద సమయంలో పక్కనే ప్రయాణిస్తున్న మరో వాహనం డాష్ కెమెరా ఈ ఘోర దృశ్యాన్ని రికార్డు చేసింది. ఆ వీడియో ఆధారంగా మియాపూర్ పోలీసులు కేసు నమోదు చేశారు. బస్సు డ్రైవర్ను అదుపులోకి తీసుకొని దర్యాప్తు ప్రారంభించినట్లు తెలిపారు. .
Read hindi news: hindi.vaartha.com
Read also:
