గాజులరామారంలో భారీ భూ కుంభకోణం బహిర్గతం – హైడ్రా (Hydraa) ఉక్కుపాదం హైదరాబాద్ శివారులోని మేడ్చల్-మల్కాజ్గిరి జిల్లా గాజులరామారంలో భూకబ్జాలపై పెద్ద ఎత్తున చర్యలు చేపట్టిన హైడ్రా (Hyderabad Disaster Response and Asset Protection Agency) 317 ఎకరాల ప్రభుత్వ భూమిని స్వాధీనం చేసుకుంది. ఈ భూముల అంచనా విలువ సుమారు రూ.15 వేల కోట్లుగా అధికారులు వెల్లడించారు.
గత ఆరు నెలలుగా ప్రజావాణి ద్వారా వచ్చిన పలు ఫిర్యాదుల ఆధారంగా విచారణ జరిపిన హైడ్రా, పక్కా సాక్ష్యాలు సేకరించిన తర్వాతే ఈ ఆపరేషన్ను ప్రారంభించింది. ఇందులో భాగంగా అక్రమంగా ఏర్పాటు చేసిన వెంచర్లు, లేఅవుట్లు, రహదారులు, విద్యుత్ కనెక్షన్లు అన్నింటినీ తొలగించింది.
ఆక్రమణల వెనుక ఉన్న దందా
ఉమ్మడి ఆంధ్రప్రదేశ్ సమయంలో స్టేట్ ఫైనాన్స్ కార్పొరేషన్కు కేటాయించిన భూములను, రాష్ట్ర విభజన తర్వాత ఆస్తుల పంపకంలో ఏర్పడిన జాప్యాన్ని కొందరు దుర్వినియోగం చేసుకున్నారు. రాజకీయ నాయకులు, రియల్టర్లు, కొందరు అధికారులు కలిసి పెద్ద ఎత్తున వెంచర్లు వేశారు. స్థానిక నాయకులు, రౌడీషీటర్లు పేదలను ఉపయోగించుకొని 60, 120 గజాల ప్లాట్లుగా భూమిని విభజించి అమ్ముతున్నట్లు విచారణలో తేలింది. కొందరు మొదట చిన్న ఇళ్లు కట్టించి కుటుంబాలను ఉచితంగా ఉంచి, ఆ తర్వాత వారికి భూములు విక్రయించే స్కామ్ నడిపినట్లు సమాచారం.
Hydraa
అధికారుల స్పష్టీకరణ
ఈ కూల్చివేతల్లో పేదల ఇళ్లకు ఎలాంటి హాని కలిగించలేదని హైడ్రా (Hydraa) కమిషనర్ రంగనాథ్ స్పష్టం చేశారు. “అక్కడ నివసిస్తున్న బీద కుటుంబాలకు ముందుగానే సమాచారం ఇచ్చాం. కేవలం అక్రమంగా వెంచర్లు వేసినవారి ఆస్తులపైనే చర్యలు తీసుకున్నాం. పేదలను మభ్యపెట్టి భూములు అమ్మినవారే ఇప్పుడు మా మీద తప్పుడు ఆరోపణలు చేస్తున్నారు” అని ఆయన అన్నారు.
భూమికి కంచె వేయనున్నారు
స్వాధీనం చేసుకున్న 317 ఎకరాల ప్రభుత్వ భూమిని రక్షించేందుకు త్వరలో కంచె వేసే పనులు చేపడతామని అధికారులు తెలిపారు. ఇకపై ఇలాంటి అక్రమ భూకబ్జాలను అరికట్టేందుకు నిరంతర పర్యవేక్షణ కొనసాగుతుందని హైడ్రా స్పష్టంచేసింది.
గాజులరామారంలో ఎంత భూమిని స్వాధీనం చేసుకున్నారు?
మొత్తం 317 ఎకరాల ప్రభుత్వ భూమిని హైడ్రా స్వాధీనం చేసుకుంది.
స్వాధీనం చేసుకున్న భూముల అంచనా విలువ ఎంత?
ఆ భూముల మార్కెట్ విలువ సుమారు రూ.15 వేల కోట్లు.
Read hindi news: hindi.vaartha.com
Read Also:
