హైదరాబాద్ నగరంలోని వనస్థలిపురం ఆటోనగర్ ప్రాంతంలో సోమవారం ఉదయం ఘోర రోడ్డు ప్రమాదం చోటుచేసుకుంది. రోగులను ఆసుపత్రికి తరలిస్తున్న అంబులెన్స్, రోడ్డుపై ఆగి ఉన్న లారీని వేగంగా ఢీకొంది. ఢీకొట్టే సమయంలో అంబులెన్స్ ముందు భాగం పూర్తిగా దెబ్బతింది. ఈ ప్రమాదంలో అంబులెన్స్ డ్రైవర్తో పాటు వాహనంలో ఉన్న ఇద్దరు రోగులకు తీవ్ర గాయాలయ్యాయి.
Read also: Biryani side effects : 4AM బిర్యానీ ట్రెండ్ షాక్, రుచే కాదు ఆరోగ్యానికి రిస్క్
Ambulance that saves lives is in danger
సహాయక చర్యలు
ప్రమాదం జరిగిన వెంటనే అంబులెన్స్లో చిక్కుకుపోయిన వాళ్ళని బయటకు తీసేందుకు స్థానికులు ముందుకొచ్చారు. ఎంతో శ్రమతో డ్రైవర్, రోగులను బయటకు తీసి సమీప ఆసుపత్రికి తరలించారు. సమాచారం అందుకున్న పోలీసులు వెంటనే ఘటనాస్థలానికి చేరుకుని సహాయక చర్యలు చేపట్టారు. గాయపడిన వారి పరిస్థితి నిలకడగా ఉందని వైద్యులు తెలిపారు.
ట్రాఫిక్ అంతరాయం, పోలీసుల దర్యాప్తు
ఈ ప్రమాదం కారణంగా వనస్థలిపురం ఆటోనగర్ ప్రాంతంలో కొద్దిసేపు ట్రాఫిక్కు తీవ్ర అంతరాయం ఏర్పడింది. పోలీసులు క్రేన్ సహాయంతో వాహనాలను తొలగించి రాకపోకలను పునరుద్ధరించారు. ఈ ఘటనపై పోలీసులు కేసు నమోదు చేసి ప్రమాదానికి గల కారణాలపై దర్యాప్తు ప్రారంభించారు. వేగం, నిర్లక్ష్యం కారణంగానే ప్రమాదం జరిగి ఉండవచ్చని ప్రాథమికంగా అనుమానిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
