హైదరాబాద్లో హైడ్రా సంస్థ చేసిన కూల్చివేతలపై ఆంధ్రప్రదేశ్ తెలుగుదేశం పార్టీ ఎమ్మెల్యే వసంత కృష్ణ ప్రసాద్ తీవ్ర అసంతృప్తి వ్యక్తం చేశారు.తమ నిర్మాణాలను ముందుగా ఎలాంటి నోటీసులు లేకుండా కూల్చివేశారంటూ ఆయన ఆవేదన వ్యక్తం చేశారు.ఈ విషయాన్ని మీడియాతో పంచుకున్న వసంత, ఇది చాలా అన్యాయంగా జరిగింది.ప్రభుత్వ ప్రక్రియ ప్రకారం ముందుగా నోటీసులు ఇవ్వాలి.కానీ ఇక్కడ అలా ఏమీ జరగలేదు మన నిర్మాణాల మీద సడెన్గా దాడి చేసి హడావుడిగా కూల్చేయడం బాధాకరం, అని అన్నారు.ఇలాంటి చర్యలు తన వ్యక్తిగత ప్రతిష్ఠను దెబ్బతీసేలా ఉన్నాయని వసంత ఆగ్రహం వ్యక్తం చేశారు. ఇది కేవలం ఒక కట్టడాన్ని కూల్చిన ఘటన కాదు.ఇది నాకు ఎదురుగా పథకం ప్రకారంగా తీసుకున్న చర్య,” అని ఆయన అభిప్రాయపడ్డారు. ప్రస్తుతం తెలంగాణ ముఖ్యమంత్రి రేవంత్ రెడ్డి విదేశాల్లో ఉన్న నేపథ్యంలో, ఆయన తిరిగిరాగానే కలుస్తానని చెప్పారు “రేవంత్ గారిపై నాకున్న నమ్మకం బలమైనది.
ఆయన న్యాయం చేస్తారు నిజానిజాలన్నీ వివరిస్తాను, అన్నారు వసంత అయితే, హైడ్రా సంస్థ తీసుకున్న ఈ నిర్ణయం పట్ల అనేక ప్రశ్నలు తలెత్తుతున్నాయి.కోర్టులు సెలవులో ఉన్న రోజునే ఎందుకు ఈ చర్య తీసుకున్నారు? దీనికి వెనుక ఉన్న ఉద్దేశ్యం ఏంటి? కేవలం హడావుడిగా కూల్చడమే లక్ష్యమా లేక మరేదైనా ఉందా అన్న అనుమానాలు విపక్షాల్లో కలుగుతున్నాయి. కూటమి ప్రభుత్వం ప్రజల సమస్యలపై దృష్టి పెట్టాలి. కానీ ఇలాంటి చారిత్రక నగరంలో ఇలాంటివి జరగడం తగదు. చట్టబద్ధమైన ప్రక్రియ అనుసరించకుండా ఇలాగే ముందుకు సాగితే, ఇది ప్రజాస్వామ్యానికి తగిన పని కాదు, అని వసంత స్పష్టం చేశారు. తెలుగుదేశం పార్టీ తరపున ఆయన ఈ వ్యవహారాన్ని అధికారికంగా లేఖ రూపంలో ముఖ్యమంత్రికి వినవిస్తానన్నారు. నిర్మాణాలు ఎక్కడైతే చట్టవిరుద్ధంగా ఉంటాయో, అక్కడ చర్యలు తీసుకోవడం సమంజసమే. కానీ ముందుగా సమాచారం ఇవ్వకుండా ఇలా చేయడం అన్యాయం, అని వసంత పేర్కొన్నారు. వీటిపై స్పందన రేవంత్ రెడ్డి నుంచి ఎలా వస్తుందన్నది ఆసక్తిగా మారింది. మరోవైపు, హైడ్రా అధికారులు మాత్రం తమ చర్యలు నిబంధనల ప్రకారమే అని చెబుతున్నారు. అయితే వాస్తవాలు ఏవో త్వరలో వెల్లడికావాల్సి ఉంది.
