హైదరాబాద్‌లో మరో ప్రధాన రహదారి విస్తరణకు నేడు నాంది పలికింది. ఆరాంఘర్-జూపార్క్ మధ్య నిర్మించిన రెండో అతి పెద్ద ఫ్లైఓవర్‌ను సీఎం రేవంత్ రెడ్డి ఇవాళ అధికారికంగా ప్రారంభించారు. ఈ ఫ్లైఓవర్ 6 లేన్లతో 4.08 కిలోమీటర్ల పొడవున 24 మీటర్ల వెడల్పుతో అత్యాధునికంగా నిర్మించబడింది. దీనిపై మొత్తం రూ.799 కోట్ల వ్యయం చేశారు. ఈ ఫ్లైఓవర్ ప్రారంభంతో నగరంలో రవాణా సమస్యలు కొంతవరకు పరిష్కారమవుతాయని అధికారులు తెలిపారు. జూపార్క్ నుంచి ఆరాంఘర్ మీదుగా శంషాబాద్ ఎయిర్పోర్ట్, మహబూబ్‌నగర్, కర్నూలు, అనంతపురం, బెంగళూరుకు వెళ్లే వారికీ రాకపోకలు సులభతరం కానున్నాయి. ముఖ్యంగా, నగరవాసులకు ట్రాఫిక్ సమస్యలు తగ్గించి సమయం ఆదా చేయడంలో ఇది కీలక పాత్ర పోషించనుంది.
ఈ ప్రాజెక్టు ప్రత్యేకత తాడ్బన్, దానమ్మహట్స్, హసన్నగర్ ప్రాంతాల్లోని ట్రాఫిక్ సిగ్నళ్లను పూర్తిగా తొలగించడం. ఫ్లైఓవర్ కారణంగా ఈ ప్రాంతాల మధ్య రాకపోకలు నిరాటంకంగా సాగుతాయని అధికారులు చెప్పారు. ప్రజలు ఎక్కువగా వినియోగించే ఈ మార్గంలో ట్రాఫిక్ సమస్యలు నివారించడమే లక్ష్యంగా ఈ ఫ్లైఓవర్‌ను రూపొందించారు. ఫ్లైఓవర్ ప్రారంభోత్సవ కార్యక్రమంలో పలువురు ప్రజాప్రతినిధులు, స్థానిక నేతలు పాల్గొన్నారు. ఈ సందర్భంగా సీఎం రేవంత్ మాట్లాడుతూ, “హైదరాబాద్‌కు ప్రపంచస్థాయి మౌలిక వసతులు అందించడమే ప్రభుత్వ ప్రధాన ఉద్దేశం” అని అన్నారు. రాబోయే రోజుల్లో నగరంలో మరిన్ని ఫ్లైఓవర్లు, రోడ్ల విస్తరణకు ప్రణాళికలు సిద్ధం చేస్తున్నట్లు తెలిపారు. ఈ ఫ్లైఓవర్ నిర్మాణం నగర అభివృద్ధిలో ఒక పెద్ద మైలురాయి అని విశ్లేషకులు అభిప్రాయపడుతున్నారు. భవిష్యత్తులో రహదారి ప్రయాణాలకు మరింత వేగం, భద్రతను అందించే విధంగా ఈ రకమైన మౌలిక వసతులు కీలకంగా నిలుస్తాయని అంటున్నారు. నగరవాసులు ఈ ఫ్లైఓవర్‌ను స్వాగతిస్తూ, రవాణా సమస్యల పరిష్కారానికి ఇది మంచి పరిష్కారమని అభిప్రాయపడుతున్నారు.
ప్రపంచ వ్యాప్తంగా కృత్రిమ మేధ (AI) పెనుమార్పులకు కారణమవుతున్న నేపథ్యంలో, తెలంగాణ ప్రభుత్వం గూగుల్‌తో కీలక ఒప్పందం కుదుర్చుకుంది. ఈ ఒప్పందం ద్వారా విద్యార్థులు, పరిశ్రమ నిపుణులు, Read more
అమరావతి: శాసన మండలిలో శాంతిభద్రతలపై వాడీవేడి చర్చ జరిగింది. ఈ సందర్భంగా హోంమంత్రి అనిత మాట్లాడుతూ.. రాష్ట్రంలో జరుగుతున్న అత్యాచారా ఘటనలను రాజకీయం చేయొద్దని అన్నారు. గతంలో Read more
ప్రతి సంవత్సరం నవంబర్ మూడవ బుధవారంనాడు, ప్రపంచవ్యాప్తంగా జియోగ్రాఫిక్ ఇన్ఫర్మేషన్ సిస్టమ్స్ (G.I.S.) డే జరుపుకుంటారు. ఈ సంవత్సరం, G.I.S. డే నవంబర్ 20న జరుపుకోవడం జరుగుతుంది. Read more
అమరావతి: ముఖ్యమంత్రి చంద్రబాబుకు సిపిఐ రాష్ట్ర కార్యదర్శి కె. రామకృష్ణ, లేఖ రాశారు. విజయనగరం జిల్లా గుర్లలో డయేరియా కారణంగా 10 మంది మరణించగా, వందల మంది Read more