Hyderabad Fire చార్మినార్ సమీపంలో జరిగిన అగ్నిప్రమాదం ఊహించని విధంగా తీవ్ర విషాదంగా మారింది. ఆ మంటల మధ్య ఓ తల్లి తన పిల్లలను కాపాడేందుకు చివరి వరకు పోరాడింది. కానీ ఆమె ప్రేమే చివరకు ఆమె అంతం కూడా అయింది. మంటల బారిన పడిన ఆ తల్లి, తన చిన్నారులతో కలిసి సజీవదహనమయ్యింది. ఈ హృదయవిదారక ఘటన స్థానికులను కన్నీళ్లు పెట్టించింది.
ఒకే కుటుంబానికి చెరిగిన 17 మంది మృతి
ఈ ప్రమాదంలో ఒకే కుటుంబానికి చెందిన 17 మంది ప్రాణాలు కోల్పోయారు. వారిలో ఎనిమిది మంది చిన్నారులు, ఐదుగురు మహిళలు ఉన్నారు. చార్మినార్ పక్కనే ఉన్న రద్దీగా ఉండే మార్కెట్ ఏరియాలో మంటలు అకస్మాత్తుగా చెలరేగాయి. ఒక్కసారిగా మంటలు ఆకాశాన్నంటాయి. పెద్ద ఎత్తున పొగ వ్యాపించడంతో లోపల ఉన్నవారు బయటకు రావడానికి ప్రయత్నించలేకపోయారు.
కళ్లారా చూశామన్న గాజుల వ్యాపారి
ప్రమాదం జరిగిన వెంటనే సహాయం చేసేందుకు ముందుకొచ్చిన స్థానిక గాజుల వ్యాపారి జాహిద్, ఆ దృశ్యాన్ని ఆవేదనతో గుర్తు చేసుకున్నారు. “మంటలు ఎగిసిపడుతుండగా మేము లోపలికి పరుగెత్తాం. ఒక గదిలో తల్లి తన పిల్లలను బలంగా హత్తుకొని కనిపించింది. వాళ్లు అందరూ అక్కడే కాలిపోయారు,” అని చెప్పిన జాహిద్ భావోద్వేగానికి లోనయ్యారు.
పొగతో ఊపిరాడక మరణం
తాము మొత్తం 13 మందిని బయటకు తీసినట్లు జాహిద్ తెలిపారు. కానీ దట్టమైన పొగ కారణంగా లోపల ఏమి కనిపించలేదని చెప్పారు. గోడ పగలగొట్టి లోపలికి వెళ్లాల్సి వచ్చిందని, కొందరు మంటల్లోనే మరణించారని, మరికొందరు పొగతో ఊపిరాడక ప్రాణాలు కోల్పోయారని వివరించారు.
చివరి కౌగిలి – మానవత్వానికి అద్దంపట్టిన ప్రేమ
తల్లితనం అంటే ఏమిటో ఈ ఘటన మరోసారి రుజువు చేసింది. పిల్లలను కాపాడాలన్న తల్లి ప్రేమ ఆఖరి వరకు పోరాటం చేసింది. కానీ, ఆమె వారితో కలిసి కాలిపోయింది. ఆ తల్లి చివరి కౌగిలి మానవ మనసును కుదిపేసింది. ఆ దృశ్యం చూసిన ప్రతి ఒక్కరూ కన్నీరు పెట్టకమానలేకపోయారు.
అధికారులు స్పందన, సహాయక చర్యలు
అగ్నిమాపక సిబ్బంది వెంటనే ఘటన స్థలానికి చేరుకుని మంటలను అదుపులోకి తీసుకువచ్చారు. కానీ అప్పటికే చాలా నష్టం జరిగింది. ప్రాణాలు కోల్పోయిన కుటుంబానికి ప్రభుత్వం సహాయాన్ని ప్రకటించింది. అయినా ఆ కుటుంబం ఎదుర్కొన్న దురదృష్టాన్ని మాటల్లో చెప్పలేము.
ఈ సంఘటన మర్చిపోలేం
చార్మినార్లో చోటుచేసుకున్న ఈ అగ్నిప్రమాదం Hyderabad cityని షాక్కు గురి చేసింది. తల్లి ప్రేమ ఎంత గొప్పదో మళ్ళీ గుర్తు చేసిన సంఘటన ఇది. ఈ దుర్ఘటన ప్రజల మనసుల్లో ఎన్నటికీ చెరగని ముద్ర వేసింది.
Read Also : Fire : హైదరాబాదులో మరో భారీ అగ్నిప్రమాదం
