రంజీ ట్రోఫీలో భాగంగా గురువారం మొదలైన కేరళ వర్సెస్ మధ్యప్రదేశ్ మ్యాచ్‌లో ఆల్‌రౌండర్ వెంకటేష్ అయ్యర్ గాయపడిన ఘటన హైలైట్‌గా మారింది.మధ్యప్రదేశ్ తరఫున ఆడుతున్న వెంకటేష్, తన కుడి చీలమండ గాయంతో మైదానాన్ని వదిలి వెళ్లవలసి వచ్చింది.ఈ వార్త క్రికెట్ అభిమానులతో పాటు కోల్‌కతా నైట్ రైడర్స్ జట్టుకి కూడా పెద్ద షాక్‌గా మారింది.కేరళతో జరిగిన ఈ మ్యాచ్‌లో టాస్ గెలిచిన కేరళ బౌలింగ్ ఎంచుకుంది.మధ్యప్రదేశ్ బ్యాటింగ్ మాత్రం తీవ్రంగా విఫలమైంది. నాలుగు వికెట్లు కోల్పోయి కేవలం 49 పరుగుల వద్ద కష్టాల్లో ఉన్నప్పుడు అయ్యర్ క్రీజ్‌లోకి వచ్చాడు. అయితే ఆ సమయంలోనే, తన కుడి చీలమండను మెలితిప్పుకుని నొప్పితో కుప్పకూలిపోయాడు.వెంటనే మైదానంలో ఉన్న ఫిజియో అతనికి చికిత్స అందించారు, కానీ గాయం తీవ్రంగా ఉండటంతో మైదానం వదిలి డ్రెస్సింగ్ రూమ్‌కి వెళ్లవలసి వచ్చింది.
వెంకటేష్ అయ్యర్ గాయం IPL 2025కి ముందు కోల్‌కతా నైట్ రైడర్స్ జట్టుకి పెద్ద ఆందోళన కలిగించింది.ఈ సీజన్ కోసం అతడిని రూ.23.75 కోట్ల భారీ ధరకు కొనుగోలు చేశారు.అయ్యర్ IPL చరిత్రలోనే అత్యంత ఖరీదైన ఆటగాళ్లలో ఒకరుగా నిలిచాడు.అయితే గాయం కారణంగా అతడు ఎంత త్వరగా కోలుకుంటాడనేది ఇప్పుడిప్పుడే ప్రశ్నార్థకంగా మారింది.కేరళ బౌలర్ల ధాటికి మధ్యప్రదేశ్ బ్యాటింగ్ పూర్తిగా కుదేలైంది.ఓపెనర్ హర్ష్ గావ్లీ 7 పరుగుల వద్ద,హిమాన్షు మంత్రి 15 పరుగుల వద్ద అవుట్ అయ్యారు.రజత్ పాటిదార్ అయితే ఖాతా కూడా తెరవలేకపోయాడు.ఆర్యన్ పాండే,కుమార్ కార్తికేయలు కూడా తక్కువ స్కోర్ల వద్ద పెవిలియన్ చేరారు.మొత్తంగా మధ్యప్రదేశ్ ఇన్నింగ్స్ పూర్తిగా నిరాశజనకంగా మారింది.కేరళ బౌలింగ్ విభాగంలో మైనర్ నిధేష్ కీలక పాత్ర పోషించాడు.అతని అద్భుతమైన లైన్ మరియు లెంగ్త్ కారణంగా,మధ్యప్రదేశ్ బ్యాటింగ్ పటిష్టంగా నిలవలేకపోయింది.
బోర్డర్-గవాస్కర్ ట్రోఫీ 2024-25 రెండో మ్యాచ్ విరాట్ కోహ్లీకి మరింత ప్రత్యేకంగా నిలవనుంది. అడిలైడ్‌లోని ఓవల్ మైదానంలో ఈ మ్యాచ్ జరిగే సమయానికి, కోహ్లీ అక్కడ ఒక Read more
ఇంగ్లండ్ మాజీ క్రికెటర్, ప్రముఖ వ్యాఖ్యాత ఇసా గుహా,భారత ఫాస్ట్ బౌలర్ జస్ప్రీత్ బుమ్రాపై చేసిన వ్యాఖ్యలపై ఆఖరికి క్షమాపణలు చెప్పారు.గబ్బాలో మూడో రోజు టెస్టు ప్రారంభం Read more
చెన్నైలోని MA చిదంబరం స్టేడియంలో ఇప్పటివరకు 2 టీ20 మ్యాచ్‌లు మాత్రమే జరిగాయి.తొలి ఇన్నింగ్స్‌లో బ్యాటింగ్ చేసిన జట్టు ఒకసారి విజయం సాధించగా, రెండవ ఇన్నింగ్స్‌లో బ్యాటింగ్ Read more
2024లో భారత క్రీడారంగం ఎంతో ప్రత్యేకమైన మైలు రాయిని చేరుకుంది.ఒలింపిక్స్, పారాలింపిక్స్, ప్రపంచ కప్‌లు, చెస్, జావెలిన్ త్రో వంటి క్రీడల్లో విజయాలు సాధించి, భారత్ ప్రపంచ Read more