బిడ్డకు జన్మనివ్వడం(Pregnancy Risks) ప్రతి మహిళకు ఒక పునర్జన్మలా భావిస్తారు. ఎన్నో జాగ్రత్తలు, వైద్య పరీక్షలు, నిరంతర పర్యవేక్షణ ఉన్నా, ప్రసవ సమయంలో కొన్ని అరుదైన కానీ తీవ్రమైన సమస్యలు ఎదురయ్యే అవకాశం ఉంటుంది. వాటిలో అత్యంత ప్రమాదకరమైనది ఆమ్నియాటిక్ ఫ్లూయిడ్ ఎంబాలిజం (AFE).
సాధారణంగా గర్భంలో ఉన్న బిడ్డను రక్షించే ఆమ్నియోటిక్ ద్రవం తల్లికి హానికరం కాదు. కానీ కొన్ని అరుదైన సందర్భాల్లో ఈ ద్రవం లేదా అందులోని కణజాలం తల్లిపాల రక్తప్రవాహంలోకి చేరితే శరీరం దానిని ప్రమాదంగా భావించి అకస్మాత్తుగా ప్రతిచర్య చూపిస్తుంది. ఇది కొన్ని నిమిషాల్లోనే ప్రాణాలకు ముప్పు ఏర్పడే స్థితికి దారి తీసే అత్యవసర పరిస్థితి.
ఆమ్నియాటిక్ ఫ్లూయిడ్ ఎంబాలిజం ఎలా ప్రభావితం చేస్తుంది?
- ఊపిరి పీల్చుకోవడంలో తీవ్రమైన ఇబ్బంది
- రక్తపోటు అనూహ్యంగా పడిపోవడం
- గుండె స్పందన బలహీనపడటం
- రక్తం గడ్డకట్టే విధానం దెబ్బతినడంతో అధిక రక్తస్రావం
- కిడ్నీ, ఊపిరితిత్తులు వంటి అవయవాలు సరిగా పనిచేయకపోవడం
ఈ లక్షణాలు ప్రసవ(Pregnancy Risks) సమయంలో లేదా ప్రసవం అనంతరం కొద్దిసేపట్లోనే రాబట్టే అవకాశం ఉంది. వైద్యులు వెంటనే స్పందించి అత్యవసర చికిత్స అందించకపోతే పరిస్థితి తీవ్రంగా మారుతుంది.
ఏ సందర్భాల్లో ఈ ప్రమాదం పెరుగుతుంది?
- సిజేరియన్ లేదా సాధారణ ప్రసవ సమయంలో అధిక ఒత్తిడి
- అమ్నియోటిక్ సాక్ చిట్లే సమయంలో సమస్యలు
- ఎలాంటి గర్భధారణకైనా సంభవించే అవకాశం ఉన్నప్పటికీ ఇది చాలా అరుదు
చికిత్స ఎలా ఉంటుంది?
ఆమ్నియాటిక్ ఫ్లూయిడ్ ఎంబాలిజం వచ్చినప్పుడు
- వెంటనే ఆక్సిజన్ అందించడం
- గుండె స్పందన నిలకడగా ఉండేందుకు ఔషధాలు
- రక్తస్రావాన్ని ఆపేందుకు రక్తం, ప్లాస్మా ఇవ్వడం
- ICUలో అత్యవసర వైద్య పరిరక్షణ
ఈ విధంగా వేగంగా చర్యలు తీసుకుంటే తల్లి ప్రాణాలను కాపాడే అవకాశం పెరుగుతుంది.
Read hindi news: hindi.vaartha.com
Epaper: epaper.vaartha.com/
Read Also:
