మన శరీరంలో అత్యంత కీలకమైన అవయవం కిడ్నీలు. ఇవి రక్తంలోని మలినాలను గాలించి, వడపోసి శుభ్రం చేసే పనిని చేస్తూ, శరీరాన్ని ఆరోగ్యంగా ఉంచడానికి ముఖ్యమైన పాత్ర పోషిస్తాయి. అయితే, కొన్ని చిన్న తప్పిదాలు లేదా జీవనశైలి అలవాట్ల వల్ల కిడ్నీ ఆరోగ్యం క్షీణించిపోతుంది. ఈ పోస్ట్లో, కిడ్నీలను ప్రభావితం చేసే 5 ప్రమాదకర అలవాట్లను పరిశీలిద్దాం.
సరైన నీరు తాగకపోవడం
మీరు రోజూ తాగే నీరు మీ కిడ్నీల ఆరోగ్యానికి ఎంతో ముఖ్యం. సరిపడా నీరు తాగకపోతే రక్తంలో మలినాలు సమకూరిపోతాయి. ఈ మలినాలను బయటకు తీయడం కిడ్నీలకు కష్టంగా మారుతుంది. రక్తం మురికి వంటిది అవుతుంది, ఇది కిడ్నీలపై ఒత్తిడి పెంచుతుంది. వీటి కారణంగా కిడ్నీ రాళ్ల సమస్యలు కూడా కలగవచ్చు. చాలా మందికి నీళ్లు తాగే అలవాటు తక్కువగా ఉంటుంది. మరికొంత మంది ఆరోగ్యానికి మంచిదని లీటర్లకు లీటర్లు నీళ్లను తాగేస్తుంటారు. ఈ రెండూ మీ కిడ్నీల ఆరోగ్యానికి మంచిది కాదు. ముందు మీ శరీరం ఇచ్చే సంకేతాలను ఎప్పటికప్పుడు కనిపెడుతూ ఉండాలి. మీ శరీరానికి నీరు అవసరమని అది మీకు చెప్తూనే ఉంటుంది. కానీ పనుల్లో పడి ఈ సంకేతాలను విస్మరిస్తుంటారు. మీ శరీరానికి అవసరమైన నీటి పరిమాణాన్ని ఎప్పటికప్పుడు పరిగణనలో పెట్టుకోండి. పరిమితంగా, సరిపడా నీరు తాగడం వల్ల కిడ్నీ ఆరోగ్యం మెరుగవుతుంది.
పొగత్రాగడం
సిగరెట్ త్రాగడం మాత్రమే ఊపిరితిత్తులకు హానికరంగా ఉండదు, అది కిడ్నీలకు కూడా తీవ్ర నష్టం కలిగిస్తుంది. పొగలోని కెమికల్స్ రక్తప్రసరణను అడ్డుకుంటాయి, తద్వారా కిడ్నీలకు రక్తం సరఫరా తగ్గుతుంది. ఇది కాలక్రమేణా కిడ్నీ ఫెయిల్యూర్కు దారితీయవచ్చు. మద్యపానం, ధూమపానం ఆరోగ్యానికి ఎంత హానికరమో తెలిసినా కూడా చాలా మంది ఈ అలవాట్లను కొనసాగిస్తుంటారు. సిగరెట్ స్మోకింగ్ అలవాటు కారణంగా ముందుగా ఎఫెక్ట్ అయ్యేది ఊపిరితిత్తులు. ఆ తర్వాత ఆ ప్రభావం కచ్చితంగా కిడ్నీల మీద ఉంటుందంటున్నారు. ఇది కిడ్నీలకు రక్త సరఫరాను అడ్డుకుంటుంది. ఫలితంగా వ్యర్థాలు శరీరంలోనే ఉండిపోతాయి. కొందరిలో ఈ సమస్య తీవ్రమై డయాలసిస్ కు దారి తీసే ప్రమాదం కూడా ఉంటుంది. అందుకే వీలైనంత త్వరగా స్మోకింగ్ అలవాటు మానుకోవాలని నిపుణులు సూచిస్తున్నారు.
పొగత్రాగటం మానేయడం కిడ్నీలకు ఎంతో మంచిది. దీని ద్వారా కిడ్నీల ఆరోగ్యాన్ని కాపాడుకోవచ్చు.
అధిక ఉప్పు వాడకం
ఉప్పు (సోడియం) కిడ్నీలకు ముప్పు కలిగించడానికి ఒక ముఖ్య కారణం. అధిక ఉప్పు వాడటం వల్ల రక్తపోటు పెరుగుతుంది, ఇది కిడ్నీ పనితీరును చెడగొడుతుంది. దీనివల్ల కిడ్నీలు తీవ్ర ఒత్తిడికి గురవుతాయి. ఉప్పు లేదా సోడియం ఎక్కువగా ఉన్న ఆహారం రక్తపోటును పెంచుతుంది. మరియు మీ మూత్రపిండాలకు హాని కలిగిస్తుంది. ఆహారంలో రోజుకి కొంత మోతాదులో మాత్రమే ఉప్పు అవసరం ఉంటుంది. ఒకసారి వంటల్లో ఉప్పు వేసిన తర్వాత ఇక మళ్లీ దాని జోలికి వెళ్లకపోవడమే బెటర్. ఇవి కాలక్రమేణా కిడ్నీల పనితీరును మందగించేలా చేస్తుంది. అందుకే ఉప్పు వాడకాన్ని మితంగా తీసుకోవాలని వైద్యులు సూచిస్తున్నారు.
ఉప్పు వాడకాన్ని మితంగా తీసుకోవడం చాలా అవసరం. వంటల్లో ఉప్పు పరిమితి ఉండాలని, ఎక్కువగా తీసుకోకూడదని వైద్యులు సూచిస్తున్నారు.
చక్కర , కాఫీ, టీ, జ్యూసుల వాడకం
కాఫీలు, టీలు, జ్యూసులు ఇలా ప్రతి దాంట్లో చక్కెర లేకుండా రోజు గడవని పరిస్థతి. చాలా మంది ఇళ్లో వీటితో పాటు అదనంగా స్వీట్లకూ ప్రాధాన్యం ఇస్తుంటారు. చక్కర మోతాదు మించిదే అది కచ్చితంగా కిడ్నీలపై ప్రభావం చూపుతుందని వైద్యులు చెప్తున్నారు. చక్కరలో ఉండే హానికారక పదార్థాలు కిడ్నీలకు రక్తాన్ని తీసుకెళ్లే నాళాల పనితీరును చెడగొడతాయి. ఫలితంగా అది కిడ్నీ డ్యామేజ్ కు కారణమవుతుంది. కొంతమంది కాఫీ, టీలు, జ్యూసులు అధికంగా తాగడం అలవాటుగా మార్చుకుంటారు. ఈ పానీయాల్లో అధిక చక్కర ఉండటం వల్ల రక్తంలో శరీరానికి హానికరమైన పదార్థాలు చేరుతాయి. ఇది కిడ్నీలపై నెగటివ్ ప్రభావం చూపుతుంది.
కాఫీ, టీ, జ్యూసుల వాడకాన్ని తగ్గించడం కిడ్నీ ఆరోగ్యానికి మంచిది. వీటిని మితంగా తీసుకోవడం సూచనీయమైనది.
కిడ్నీ ఆరోగ్యానికి సూచనలు
తరచూ మూత్ర విసర్జన: మీ శరీరంలో విషాన్ని తగ్గించేందుకు తరచూ మూత్ర విసర్జన చేయడం చాలా ముఖ్యం.
ఎలక్ట్రోలైట్ బ్యాలెన్స్: మినరల్స్ మరియు ఎలక్ట్రోలైట్ బ్యాలెన్స్ కాపాడుకోవడం కూడా కిడ్నీ ఆరోగ్యానికి ఉపకరిస్తుంది.
