మన వయస్సు పుట్టిన తేదీ ఆధారంగా లెక్కిస్తాం. కానీ మెదడు వయస్సు మాత్రం మన జీవనశైలిపై ఆధారపడి ఉంటుందని ఫ్లోరిడా యూనివర్సిటీ తాజా పరిశోధన స్పష్టం చేసింది. పరిశోధకులు రెండేళ్ల పాటు 128 మందిని పరిశీలించి, ఆధునిక MRI స్కాన్లు మరియు కృత్రిమ మేధస్సు సహాయంతో వారి మెదడు పనితీరును విశ్లేషించారు. ఆరోగ్యకరమైన అలవాట్లు పాటించిన వారి మెదడు, వారి అసలు వయస్సు కంటే సగటున 8 ఏళ్లు చిన్నవిగా పనిచేస్తున్నట్లు తేలింది. అంటే వయస్సు పెరిగినా, మెదడు (Brain) మాత్రం యువకుల్లా చురుగ్గా ఉండగలదన్న మాట.
Read also: Sudden Death: 45 ఏళ్లలోపే ఆకస్మిక మరణాలకు గుండె జబ్బులే కారణమా
Health: Do you know how to reduce your brain’s age?
ఈ అధ్యయనం మరో ముఖ్యమైన విషయాన్ని వెల్లడించింది. తక్కువ ఆదాయం, దీర్ఘకాలిక నొప్పులు, ఒత్తిడి వంటి సమస్యలు ఉన్నప్పటికీ సరైన జీవనశైలిని అనుసరిస్తే మెదడు ఆరోగ్యాన్ని కాపాడుకోవచ్చని నిపుణులు చెబుతున్నారు. జీవనశైలే ఒక శక్తివంతమైన మందులా పనిచేస్తుందని, రోజూ చేసే చిన్న చిన్న మంచి అలవాట్లే మెదడును జ్ఞాపకశక్తి సమస్యలు, అల్జీమర్స్ వంటి ప్రమాదాల నుంచి రక్షిస్తాయని ఈ పరిశోధన స్పష్టంగా చూపిస్తోంది.
మెదడును యవ్వనంగా ఉంచే 5 ముఖ్య అలవాట్లు
• తగినంత నిద్ర తీసుకోవడం మెదడు కణాల మరమ్మతుకు అవసరం
• ఆరోగ్యకరమైన శరీర బరువును నిర్వహించడం మెదడు పనితీరును మెరుగుపరుస్తుంది
• పొగాకు అలవాట్లకు పూర్తిగా దూరంగా ఉండటం మెదడు నష్టాన్ని తగ్గిస్తుంది
• ఒత్తిడిని నియంత్రించుకోవడం, సానుకూలంగా ఆలోచించడం మెదడుకు బలం ఇస్తుంది
• కుటుంబ సభ్యులు, స్నేహితులతో మమేకం కావడం మెదడును చురుగ్గా ఉంచుతుంది
Read hindi news: hindi.vaartha.com
Epaper: epaper.vaartha.com
Read Also:
