సీజనల్ ఫలాలు ఆరోగ్యానికి ఎంతో మేలు చేస్తాయని నిపుణులు చెబుతున్నారు. ఆ కోవలోనే, మునుపటి కాలంలో “అమృతఫలం”గా పేరుగాంచిన సీతాఫలం (Custard Apple) ఇప్పుడు మళ్లీ మార్కెట్లలో కనిపించటం మొదలైంది. రుచి పరంగా మాత్రమే కాదు, ఆరోగ్య ప్రయోజనాల పరంగా కూడా ఇది ఒక విలువైన ఫలం.
సీతాఫలం ఎలా ఉంటుంది?
సీతాఫలం గట్టి ఆకుపచ్చ తొక్కతో కనిపిస్తుంది. లోపల తెల్లటి, మృదువైన గుజ్జుతో నిండి ఉంటుంది. ఈ గుజ్జు తియ్యగా ఉండి, చిన్న పిల్లల నుంచి వృద్ధుల వరకు అందరినీ ఆకర్షిస్తుంది.
గుండె ఆరోగ్యానికి మేలైన సహచారి
ఈ ఫలంలో ఉండే పొటాషియం మరియు మెగ్నీషియం (Magnesium)వంటి ఖనిజాలు గుండెను ఆరోగ్యంగా ఉంచడంలో కీలక పాత్ర పోషిస్తాయి.
- ఇవి రక్తనాళాలను శుభ్రంగా ఉంచి,
- రక్తపోటును నియంత్రించడంలో సహాయపడతాయి,
- గుండెపోటు ప్రమాదాన్ని తగ్గిస్తాయి.
రోగనిరోధక శక్తికి బలమిచ్చే పోషకాలు
సీతాఫలం లోని విటమిన్ సి (Vitamin C)శరీరంలో రోగనిరోధక శక్తిని పెంచుతుంది. అలాగే, విటమిన్ ఎ చర్మ ఆరోగ్యాన్ని మెరుగుపరచడంలో తోడ్పడుతుంది. ఈ రెండు విటమిన్లు శరీరాన్ని వైరస్లు, బ్యాక్టీరియా వంటి హానికరమైన కారకాలు నుంచి రక్షిస్తాయి.
జీర్ణక్రియను మెరుగుపరచే ఫైబర్ ఫ్రూట్
ఈ పండులో ఫైబర్ మోతాదుగా ఉంటుంది, ఇది జీర్ణవ్యవస్థను మెరుగుపరచడంలో కీలకంగా ఉంటుంది.
- క్రమంగా తీసుకుంటే, కడుపు సమస్యలు తగ్గుతాయి.
- బద్దకపు జీర్ణక్రియకు చెక్ పడుతుంది.
- మలబద్ధకం సమస్య ఉన్నవారికి ఉపశమనం లభిస్తుంది.
కొలెస్ట్రాల్ కంట్రోల్లో సహాయపడుతుంది
ఫైబర్ మోతాదుతో పాటు, సీతాఫలం తీసుకోవడం వలన చెడు కొలెస్ట్రాల్ (LDL) తగ్గిపోతుంది.
ఇది హృదయ సంబంధిత వ్యాధుల ప్రమాదాన్ని తగ్గిస్తుంది. ఇది ఒక నేచురల్ కార్డియో టానిక్లా పనిచేస్తుంది.
చర్మం ఆరోగ్యంగా, ముఖం ప్రకాశంగా
సీతాఫలంలో ఉండే విటమిన్ ఎ వల్ల చర్మం ఆరోగ్యంగా మారుతుంది.ఇది చర్మాన్ని హైడ్రేట్ చేసి, ముడతలు రాకుండా చేస్తుంది. అలాగే, సీతాఫలం తినడం వలన ముఖం మీద సహజమైన మెరుపు కలుగుతుంది.
ఈ పండు అసలు దక్షిణ అమెరికా మరియు వెస్టిండీస్ ప్రాంతాలలో పుట్టింది.
కానీ ఇప్పుడు ఇది భారతదేశం, థాయిలాండ్, ఫిలిప్పీన్స్ వంటి దేశాల్లో విస్తృతంగా కనిపిస్తోంది. మన దేశంలో ఇది ప్రధానంగా మోన్సూన్ తర్వాత సీజన్లో దొరుకుతుంది.
Read hindi news: hindi.vaartha.com
Read Also:
