హైదరాబాద్ వాసులు అతి త్వరలో గుడ్ న్యూస్ వినబోతున్నారు. మెట్రో ప్రయాణికులకు మరింత అనుకూలంగా మారనున్నట్లు శాసన మండలిలో మంత్రి శ్రీధర్ బాబు వెల్లడించారు. ప్రస్తుతం 3 కోచ్లతో నడుస్తున్న మెట్రో ట్రైన్లను 6 కోచ్లుగా విస్తరించే అవకాశాలను పరిశీలిస్తున్నట్లు తెలిపారు. ఈ నిర్ణయం అమలులోకి వస్తే మెట్రోలో రోజువారీ ప్రయాణికుల రద్దీ తగ్గిపోతుందని ఆయన అభిప్రాయపడ్డారు.
“ప్రస్తుతం ఉన్న ట్రైన్లను 3 నుంచి 6 కోచ్లకు పెంచడంపై అధ్యయనం జరుగుతోంది. అయితే, 8 కోచ్ల ట్రైన్లను నడపడానికి ఈ మెట్రో డిజైన్ అనుకూలం కాదు” అని మంత్రి స్పష్టం చేశారు. హైదరాబాద్ మెట్రో ప్రయాణంలో అనేక ప్రయాణికులు ఎదుర్కొంటున్న సమస్యలను పరిష్కరించేందుకు ఈ నిర్ణయం తీసుకున్నట్లు చెప్పుకొచ్చారు. ఇతర మెట్రో నగరాల్లా కాకుండా, హైదరాబాద్ మెట్రో ప్రత్యేకతను మంత్రి గుర్తుచేశారు. హైదరాబాద్ మెట్రో పీపీపీ (పబ్లిక్-ప్రైవేట్ భాగస్వామ్యం) పద్ధతిలో నిర్మితమైంది. ఇదే దీని ప్రత్యేకత అని ఆయన చెప్పారు. ప్రయాణికుల అనుభవాలను మెరుగుపరిచే దిశగా మెట్రో సాంకేతికతను విస్తరించే ప్రయత్నాలు జరుగుతున్నాయని మంత్రి పేర్కొన్నారు. మెట్రోలో ప్రయాణికుల సంఖ్య రోజురోజుకూ పెరుగుతోందని, రద్దీని సమర్థవంతంగా నిర్వహించేందుకు 6 కోచ్ల విస్తరణ అవసరమని అధికారులు పేర్కొన్నారు. ఈ నిర్ణయం అమలుకు అవసరమైన ప్రణాళికలు త్వరలో సిద్ధం చేయనున్నట్లు సమాచారం. ప్రభుత్వం తీసుకున్న ఈ నిర్ణయం ప్రయాణికుల నుంచి అనుకూల స్పందనను తెచ్చుకోవచ్చని మంత్రి విశ్వాసం వ్యక్తం చేశారు.
Chhattisgarh : మరోసారి ఛత్తీస్‌గఢ్‌ రాష్ట్రం కాల్పులతో దద్దరిల్లుతోంది. గురువారం బీజాపుర్-దంతెవాడ సరిహద్దులో భద్రతా బలగాలు, మావోయిస్టుల మధ్య ఎదురుకాల్పులు జరుగుతున్నాయి. ఈ ఘటనలో పలువురు మావోయిస్టులు Read more
ఛత్తీస్‌గఢ్‌లో మావోయిస్టులపై భద్రతా బలగాలు చేపట్టిన ఆపరేషన్‌లో భారీ ఎన్కౌంటర్ చోటుచేసుకుంది. బీజాపూర్ జిల్లాలోని నేషనల్ పార్క్ సమీపంలో భద్రతా బలగాలు, నక్సల్స్ మధ్య జరిగిన ఎదురు Read more
తమిళనాడు రాజకీయాల్లో కొత్త పరిణామం చోటుచేసుకుంది. ప్రముఖ సినీ నటుడు సత్యరాజ్ కుమార్తె దివ్య సత్యరాజ్ అధికార డీఎంకే పార్టీలో చేరారు. ఈరోజు చెన్నైలో జరిగిన ప్రత్యేక Read more
కార్తిక పౌర్ణమి రోజున శివారాధనకు ప్రత్యేక ప్రాముఖ్యత ఉంటుంది. ఈ రోజు శివుని పూజ చేయడం ద్వారా శరీర, మనసు, ఆత్మ దుర్గములు, పాపాలు దూరమవుతాయి. కార్తిక Read more