food care: ఈ ఆహారం తీసుకుంటే తారలా మెరిసి పోతారు.

యవ్వనంగా కనిపించేందుకు తీసుకోవాల్సిన ఆహారాలు

మ‌నం పుట్టిన‌ప్ప‌టి నుంచి చ‌నిపోయే వ‌ర‌కు మ‌న చ‌ర్మం అనేక మార్పుల‌కు లోన‌వుతుంది. వ‌య‌స్సు మీద ప‌డే కొద్దీ చ‌ర్మంలో ముడ‌త‌లు పెరిగిపోతాయి. అయితే మ‌నం తినే ఆహారం, ఒత్తిడి, కాలుష్యం, ప‌లు ఇత‌ర కారణాల వ‌ల్ల కూడా చ‌ర్మం త్వ‌ర‌గా ముడ‌త‌లు ప‌డుతుంది. కానీ సినిమా తార‌లు మాత్రం ఎప్పుడు చూసినా ఒకేలాంటి అందంతో క‌నిపిస్తారు. వారి వ‌య‌స్సు అస‌లు పెరుగుతున్న‌ట్లు క‌నిపించ‌రు. ఇక హీరోలు అయితే 50 ఏళ్లు వ‌చ్చినా యువ‌కుల‌లాగే క‌నిపిస్తుంటారు.

సినిమా తారలు పాటించే డైట్‌ను మ‌నం పాటించ‌క‌పోయినా మ‌నం తీసుకునే ఆహారం విష‌యంలో మాత్రం కొన్ని మార్పులు చేసుకుంటే అచ్చం వారిలా ఎల్ల‌ప్పుడూ యంగ్‌గా క‌నిపించ‌వ‌చ్చు. మ‌న చ‌ర్మం ఆరోగ్యంగా, య‌వ్వ‌నంగా క‌నిపించాలంటే తీసుకోవాల్సిన ఆహారాలు ఏమిటో ఇప్పుడు తెలుసుకుందాం.

పాల‌కూర‌

పాల‌కూర‌ను త‌ర‌చూ ఆహారంలో భాగం చేసుకోవ‌డం వ‌ల్ల చ‌ర్మం ఎల్ల‌ప్పుడూ కాంతివంతంగా, య‌వ్వ‌నంగా క‌నిపిస్తుంది. పాల‌కూర‌లో విట‌మిన్ ఎ, బీటా కెరోటిన్, విటమిన్ సి, యాంటీ ఆక్సిడెంట్లు అధికంగా ఉంటాయి. ఇవి చ‌ర్మాన్ని ముడతల నుండి రక్షిస్తాయి. పాలకూరను ఇలా తీసుకోవచ్చు:

పాల‌కూర జ్యూస్‌ను రోజూ ఒక క‌ప్పు తాగాలి.

పాల‌కూరను కూరలలో భాగం చేసుకోవాలి.

పాల‌కూర సలాడ్‌గా తీసుకోవచ్చు.