ఒకప్పుడు రోబోలు (Robotics) అంటే కేవలం సినిమాల్లో, సైన్స్ నవలల్లో ఉండేవి. కానీ ఇప్పుడు అవి నిజంగా మన జీవితాల్లో అడుగుపెడుతున్నాయి. ప్రతి రోజూ వాటి పరిజ్ఞానం పెరిగిపోతుంది. ఇటలీ శాస్త్రవేత్తలు (Italian scientists) తాజాగా చేసిన ఆవిష్కరణ అందుకు బలమైన ఉదాహరణ.ఇటాలియన్ ఇన్స్టిట్యూట్ ఆఫ్ టెక్నాలజీకి చెందిన శాస్త్రవేత్తలు ఐరన్ కబ్-3 అనే హ్యూమనాయిడ్ రోబోను అభివృద్ధి చేశారు. ఇది గాలిలో ఎగిరే మొదటి మానవ రూప రోబో కావడం విశేషం. భూమి నుంచి సుమారు 50 సెంటీమీటర్ల ఎత్తుకు ఎగిరి, కొద్దిసేపు గాల్లో నిలిచింది.
జెట్ ఇంజిన్లు, టైటానియం వెన్నెముక
ఈ రోబోకు మొత్తం నాలుగు జెట్ ఇంజిన్లు ఉన్నాయి. రెండు చేతుల కింద, మిగతా రెండు వెనుకభాగంలో అమర్చారు. ఇవి విడిచే గాలి ఉద్గారాలతో రోబో గాలిలోకి ఎగురుతుంది. ఉష్ణోగ్రతల తీవ్రతను తట్టుకునేలా టైటానియం ‘వెన్నెముక’ను ప్రత్యేకంగా అమర్చారు.రోబో ఎక్కడ ఉందో తెలుసుకోడానికి అందులో సెన్సర్లు ఉన్నాయి. చేతులు, కాళ్లు కదిలించేలా ప్రత్యేక సాఫ్ట్వేర్ను శాస్త్రవేత్తలు రూపొందించారు. దీని రూపకల్పనకు పూర్తిగా రెండు సంవత్సరాల సమయం పట్టింది.
బాల రూపం, కానీ బలంగా
ఐరన్ కబ్ అనే పేరు పెట్టడానికి కారణం దీని ముఖం చిన్న పిల్లాడిలా ఉండడం. రోబో బరువు సుమారు 70 కిలోలు. అయితే అంతే బలంగా కూడా ఉంటుంది. ఇది ఎగిరిన సమయంలో నియంత్రణ కోల్పోకుండా నిలవగలగడం ప్రత్యేకత.ఇటలీ శాస్త్రవేత్తలు ఐరన్ కబ్-3ని ఇంకా అభివృద్ధి చేయాలని చూస్తున్నారు. భవిష్యత్తులో ప్రకృతి విపత్తులు జరిగినప్పుడు, ప్రమాదాలు చోటుచేసుకున్నప్పుడు, ఈ రోబోలను సహాయ చర్యల్లో ఉపయోగించవచ్చని వారు ఆశిస్తున్నారు.
Read Also : Sugar Mill : డ్రైనేజీ ముప్పుతో కోట్ల చక్కెర నీటి పాలు
