mali

బంగారు గనిలో ఘోర ప్రమాదం: 10 మంది మృతి

పశ్చిమాఫ్రికా దేశమైన మాలిలో ఘోర ప్రమాదం సంభవించింది. మాలిలోని కౌలికోరో ప్రాంతంలో ఉన్న బంగారు గనిలో కొండచరియలు విరిగిపడడంతో 10 మంది మృతి చెందారు. పలువురి ఆచూకీ ఇంకా తెలియరాలేదు. బుధవారం ఈ ఘటన జరిగిందని అక్కడి గవర్నర్ కల్నల్ లామైన్ కపోరో సనొగో వెల్లడించారు. బంగారం వెతుకులాటకు వెళ్లి వారంతా శిథిలాల కింద చిక్కుకుపోయారని పేర్కొన్నారు. మృతుల్లో ఎక్కువ మంది మహిళలే ఉన్నారు. గనిలోకి ఒక్కసారిగా బురద నీరు ప్రవేశించి వారిని చుట్టిముట్టింది. మరికొంతమంది శిథిలాల కింద చిక్కుకునిపోయారని, వారిని రక్షించేందుకు రెస్క్యూ ఆపరేషన్ కొనసాగుతోందని గవర్నర్ తెలిపారు. ఈ ఘటనలో మృతుల సంఖ్య మరింత పెరిగే అవకాశం ఉందని, గల్లంతైన వారి కోసం గాలింపు చర్యలు చేపట్టినట్లు వెల్లడించారు. గని కూలడానికి గల కారణాలపై దర్యాప్తు జరుగుతోందని ఆయన స్పష్టం చేశారు.

ఆఫ్రికా దేశాల్లో మూడో అతిపెద్ద బంగారు ఉత్పత్తిదారుగా ఉన్న మాలిలో ఇలాంటి ప్రమాదాలు సర్వసాధారణంగా మారిపోయాయి. గతేడాది కూడా ఇదే ప్రాంతంలోని కంగబా జిల్లాలో బంగారు గని కుప్పకూలి.. 70 మందికి పైగా మృత్యువాత పడ్డారు. ఎలాంటి భద్రతా చర్యలను పాటించకుండా అక్రమ మైనింగ్ కు పాల్పడుతుండడంతో ఈ ప్రమాదాలు జరుగుతున్నట్లు తెలుస్తోంది. భవిష్యత్ లో ఇలాంటి ప్రమాదాలు జరగకుండా మైనింగ్ రంగంలో చర్యలు తీసుకోవాల్సి ఉంది. ఈ భారీ ప్రమాదంపై ఆ దేశ గనుల మంత్రిత్వ శాఖ విచారం వ్యక్తం చేసింది.

Related Posts
అమెరికాలో భారీ భూకంపం.. సునామీ హెచ్చరికలు
earthquake 7 magnitude hits

అమెరికాలో భారీ భూకంపం (Earthquake ) సంభవించి, ప్రజలను భయభ్రాంతులకు గురిచేసింది. ఈ భూకంపం రిక్టర్ స్కేలుపై 7.0 తీవ్రత(7.0 magnitude earthquake)ను నమోదు చేసుకుంది. నార్తర్న్ Read more

ట్రంప్ ఆర్థిక వ్యూహం పైప్రభావం
ట్రంప్ ఆర్థిక వ్యూహం – వాణిజ్యంపై ప్రభావం

డొనాల్డ్ ట్రంప్ రెండోసారి అమెరికా అధ్యక్షుడిగా బాధ్యతలు చేపట్టిన తర్వాత వలసదారులతో పాటు పన్నుల విషయంలోనూ కఠిన నిర్ణయాలు తీసుకుంటున్నారు. అమెరికాతో వ్యాపారం చేసే దేశాలు అధిక Read more

ఇజ్రాయెల్-హమాస్ ఒప్పందంపై ఉత్కంఠ
ఇజ్రాయెల్-హమాస్ ఒప్పందంపై ఉత్కంఠ

ఇజ్రాయెల్-హమాస్ మధ్య కాల్పుల విరమణ ఒప్పందంలో భాగంగా, హమాస్ నలుగురు మరణించిన ఇజ్రాయెలీ బందీల మృతదేహాలను తిరిగి ఇస్తుందని ప్రకటించింది. అయితే, వందలాది పాలస్తీనా ఖైదీలను విడుదల Read more

జీవితంలో తొలిసారి ఓటు వేసిన 81 ఏళ్ల మహిళ
vote

81 ఏళ్ల జార్జియా మహిళ తన జీవితంలో తొలిసారి ఓటు వేస్తూ వార్తల్లో నిలిచింది. దీని వెనుక ఉన్న కారణం భావోద్వేగానికి గురిచేసేలా ఉంది. ఆమె భర్ Read more

Leave a Reply

Your email address will not be published. Required fields are marked *