F 35 fighter jet crashes at Alaska Air Force base after pilot ejects

కుప్ప‌కూలి.. పేలిన ఎఫ్‌-35 యుద్ధ విమానం..

న్యూయార్క్‌: అమెరికాకు చెందిన ఎఫ్‌-35 యుద్ధ విమానం(F-35 Crash) కుప్ప‌కూలింది. ఈ ఘ‌ట‌న అల‌స్కాలోని ఎలిస‌న్ ఎయిర్ ఫోర్స్ బేస్‌లో జ‌రిగింది. మంగ‌ళ‌వారం మ‌ధ్యాహ్నం ఒంటి గంట‌కు ఈ ఘ‌ట‌న జ‌రిగింది. ఆకాశంలో విన్యాసం చేస్తున్న స‌మ‌యంలో.. ఒక్క‌సారిగా ఎఫ్‌-35 కింద‌కు జారింది. విమానాశ్ర‌య ర‌న్‌వేపై ప‌డి పేలిపోయింది. ఆ స‌మ‌యంలో భారీగా మంట‌లు వ్యాపించాయి. ఈ ఘ‌ట‌న‌కు చెందిన వీడియో ఒక‌టి వైర‌ల్ అవుతున్న‌ది. ర‌న్‌వేపై కూల‌డంతో జెట్ పూర్తిగా ధ్వంస‌మైంది.

ఆ యుద్ధ విమానంలో ఉన్న పైలెట్ ప్ర‌స్తుతం క్షేమంగా ఉన్నాడు. అత‌న్ని బాసెట్ ఆర్మీ ఆస్ప‌త్రికి త‌ర‌లించారు. ప్రస్తుతం అతడి పరిస్థితి బాగానే ఉన్నట్లు వైద్యులు చెబుతున్నారు. ఎయిర్ బేస్ పరిధిలోనే ఈ ప్రమాదం జరగడంతో.. అధికారులు వెంటనే స్పందించగలిరారు. ప్ర‌మాదంపై ద‌ర్యాప్తు ప్రారంభించారు. ఇక, విమానం కూలిపోవడానికి గల కారణం ఏంటో తెలుసుకునే పనిలో పడ్డారు సాంకేతిక నిపుణులు. ఈక్రమంలోనే ఎఫ్-35 యుద్ధ విమానంలోని శకలాలను పరిశీలిస్తున్నారు. కానీ విమానంలోని ఎక్కువ భాగాలు కాలిపోవడంతో.. ఎలాంటి ఆధారాలు లభించడం లేదు. పైలెట్ కోలుకుంటే తప్ప ఈ ప్రమాదం ఎందుకు, ఎలా జరిగిందో తెలిసేలా లేదు.

కాగా, అమెరికాలో F-35 విమానం గగనతలంలో కూలిపోవడం ఇదే మొదటిసారి కాదు. టెక్సాస్ నుండి లాస్ ఏంజిల్స్ సమీపంలోని ఎడ్వర్డ్స్ ఎయిర్ ఫోర్స్ బేస్‌కు వెళుతున్న F-35 ఫైటర్ జెట్.. మే 2024లో న్యూ మెక్సికోలో ఇంధనం నింపుకోవడానికి పైలట్ ఆపేందుకు ప్ర‌య‌త్నించ‌గా.. కుప్ప‌కూలిపోయింది. తీవ్ర గాయాలపాలైన పైలట్‌ను ఆస్పత్రికి తరలించారు. మ‌రో యుద్ధ విమానం 2023 సెప్టెంబర్‌లో సౌత్ కరోలినాలో కూలిపోయింది.

Related Posts
తమిళనాడు అసెంబ్లీలో జాతీయ గీతం వివాదం
తమిళనాడు అసెంబ్లీలో జాతీయ గీతం వివాదం

సంవత్సరం మొదటి సెషన్ ప్రారంభం రోజున రాష్ట్ర ప్రభుత్వం రూపొందించిన సంప్రదాయ ప్రసంగాన్ని అందించకుండా గవర్నర్ ఆర్‌ఎన్ రవి వాకౌట్ చేశారు. జాతీయ గీతం మరియు రాజ్యాంగం Read more

మూసీని మురికికూపంగా మార్చిందే కాంగ్రెస్, టీడీపీ పార్టీలే – కేటీఆర్
ktr power point presentatio

మూసీని కంపు చేసింది టీడీపీ, కాంగ్రెస్ అని కేటీఆర్ అన్నారు. తెలంగాణ భవన్​లో మూసీ నదిపై బీఆర్​ఎస్వర్కింగ్ ప్రసిడెంట్ కేటీఆర్ పవర్ పాయింట్ ప్రజెంటేషన్ ఇచ్చారు. మూసీ Read more

శివపూజలో కార్తిక పౌర్ణమి ప్రత్యేకత:శివ లింగానికి పూజ చేసి పుణ్యం పొందండి
siva lingam 2

కార్తిక పౌర్ణమి రోజున శివారాధనకు ప్రత్యేక ప్రాముఖ్యత ఉంటుంది. ఈ రోజు శివుని పూజ చేయడం ద్వారా శరీర, మనసు, ఆత్మ దుర్గములు, పాపాలు దూరమవుతాయి. కార్తిక Read more

పెరిగేవి..తగ్గే ధ‌ర‌లు ఇవే!
nirmala

కేంద్ర ఆర్థిక మంత్రి నిర్మలా సీతారామన్ వరుసగా 8వసారి బడ్జెట్ ప్ర‌వేశ‌పెట్టారు. ఇక ఈ బడ్జెట్ లో కేంద్రం ప‌లు కీల‌క నిర్ణ‌యాలు తీసుకుంది. ప్రభుత్వం ప్రకటించిన Read more

Leave a Reply

Your email address will not be published. Required fields are marked *