Ranabali : షూటింగ్ పూర్తి చేసుకున్న రణబాలి

Ranabali : టాలీవుడ్ హిట్ పెయిర్ విజయ్ దేవరకొండ, రష్మిక మందన్న లీడ్ రోల్స్‌లో నటిస్తున్న తాజా చిత్రం ‘రణబాలి’ చిత్రీకరణను విజయవంతంగా పూర్తి చేసుకుంది. ఈ విషయాన్ని చిత్ర యూనిట్ అధికారికంగా ప్రకటిస్తూ ఒక స్పెషల్ పోస్టర్‌ను అభిమానులతో పంచుకుంది. ‘రణబాలి, జయమ్మలను వెండితెరపై చూసేందుకు మరో 29 రోజుల్లో సిద్ధంగా ఉండండి’ అంటూ చిత్రబృందం కాప్షన్ జోడించింది. విడుదల చేసిన పోస్టర్‌లో కొత్తగా పెళ్లైన జయమ్మ (రష్మిక) కాస్త సిగ్గు, భయంతో కూడిన భావోద్వేగాలతో భర్త రణబాలి (విజయ్)తో కలిసి అత్తారింట్లో అడుగుపెడుతున్న సన్నివేశం నెటిజన్లను విశేషంగా ఆకట్టుకుంటోంది. ఈ ఇద్దరి మధ్య ఉన్న కెమిస్ట్రీ సినిమాపై అంచనాలను ఒక్కసారిగా పెంచేసింది.

వచ్చే నెల 16న థియేటర్లలోకి – ప్రమోషన్లతో జోరు పెంచిన చిత్ర బృందం

ఇప్పటికే విడుదలైన ఈ చిత్ర టీజర్, పాటలకు ప్రేక్షకుల నుంచి అద్భుతమైన స్పందన లభించడంతో సినిమాపై ట్రేడ్ వర్గాల్లోనూ భారీ క్రేజ్ నెలకొంది. గ్రామీణ నేపథ్యం మరియు ఆకట్టుకునే ప్రేమకథతో తెరకెక్కిన ఈ చిత్రాన్ని వచ్చే నెల 16న ప్రపంచవ్యాప్తంగా గ్రాండ్‌గా విడుదల చేసేందుకు మేకర్స్ సన్నాహాలు చేస్తున్నారు. షూటింగ్ పూర్తి కావడంతో ఇకపై ప్రమోషన్ల వేగం పెంచి, ట్రైలర్ సహా మరిన్ని సర్ ప్రైజ్‌లను విడుదల చేయడానికి ప్లాన్ చేస్తున్నారు. ‘గీత గోవిందం’, ‘డియర్ కామ్రేడ్’ చిత్రాల తర్వాత విజయ్-రష్మిక కాంబినేషన్‌లో వస్తున్న మూడో సినిమా కావడంతో బాక్సాఫీస్ వద్ద ఈ ‘రణబాలి’ ఎలాంటి రికార్డులు సృష్టిస్తుందోనని సినీ అభిమానులు ఆసక్తిగా ఎదురుచూస్తున్నారు.