Nani : ‘ది ప్యారడైజ్’ చిత్రం ద్వారా నానిని ‘షేర్ నాని’ (Sher Nani)గా పరిచయం చేసే ప్రయత్నం జరిగింది. అయితే, అభిమానులు మరియు సాధారణ ప్రేక్షకుల నుంచి ఈ కొత్త ట్యాగ్‌కు ఆశించిన స్థాయిలో స్పందన లభించలేదు. ‘నేచురల్ స్టార్’ అనే బ్రాండ్ నానికి తెచ్చిన గుర్తింపు, ఆత్మీయత ముందు ఈ మాస్ ట్యాగ్ నిలబడలేకపోయిందనే భావన వ్యక్తమైంది. దీనితో నాని సైతం తన పాత శైలి అయిన ‘నేచురల్ స్టార్’ వైపే మొగ్గు చూపుతున్నట్లు సమాచారం. ‘దసరా’, ‘ది ప్యారడైజ్’ వంటి చిత్రాల ద్వారా మాస్, రా యాక్షన్ శైలిలో నటన పరంగా శిఖరాగ్రాలను తాకిన నాని, ఇప్పుడు ఆ తరహా సినిమాలకు కొంతకాలం విరామం ఇవ్వాలని భావిస్తున్నారు. వరుసగా మాస్ చిత్రాలు చేయడం కంటే, తన అసలైన బలాన్ని కాపాడుకోవడం మంచిదనే నిర్ణయానికి ఆయన వచ్చినట్లు తెలుస్తోంది.
Read Also : ‘ఎవరినీ వదిలిపెట్టను’.. ‘చుట్టమల్లె’ ఫేక్ వీడియోపై తారక్ ఫైర్
క్లాస్ అండ్ ఫ్యామిలీ ఎంటర్‌టైనర్లు: పాత బ్రాండ్‌తో నయా జోరు
ప్రస్తుతం సుజీత్ దర్శకత్వంలో రూపుదిద్దుకుంటున్న ‘బ్లడీ రోమియో’ పూర్తి కాగానే, నాని తన లైనప్‌ను పూర్తిగా క్లాస్, ఫ్యామిలీ కథ చిత్రాల వైపు మళ్లించే పనిలో ఉన్నారు. ఇందులో భాగంగానే ‘నిన్ను కోరి’, ‘మజిలీ’, ‘టక్ జగదీష్’ వంటి విజయవంతమైన చిత్రాలను అందించిన శివ నిర్వాణతో పాటు, క్లాస్ మూవీస్‌కి కేరాఫ్ అడ్రస్‌గా నిలిచే వెంకీ అట్లూరితో సినిమాలు చేయడానికి చర్చలు జరుపుతున్నారు. సితార ఎంటర్‌టైన్‌మెంట్స్ బ్యానర్‌లో ఈ ప్రాజెక్ట్‌లు తెరకెక్కే అవకాశం ఉంది. ఈ పరిణామాలన్నీ చూస్తుంటే.. త్వరలోనే నాని మళ్లీ మనందరికీ సుపరిచితమైన, పక్కింటి కుర్రాడి (Boy Next Door) పాత్రల్లో కనిపించి కుటుంబ ప్రేక్షకులను అలరించడానికి సిద్ధమవుతున్నారని స్పష్టమవుతోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
