Sigma Movie: ఒకప్పుడు మినిమం గ్యారెంటీ హీరోగా పేరు తెచ్చుకున్న సందీప్ కిషన్, సోలోగా సాలిడ్ హిట్ కొట్టేందుకు చేసిన మరో ప్రయత్నమే ‘సిగ్మా’. దళపతి విజయ్ కుమారుడు జాసన్ సంజయ్‌ని దర్శకుడిగా పరిచయం చేస్తూ ప్రముఖ నిర్మాణ సంస్థ లైకా ప్రొడక్షన్స్ ఈ చిత్రాన్ని నిర్మించింది. అక్టోబర్ 2న థియేటర్లలోకి వచ్చిన ఈ మూవీ ప్రేక్షకులను ఏమేరకు మెప్పించిందో రివ్యూ ద్వారా తెలుసుకుందాం.
Read Also : Thella Kaagitham Movie: ‘తెల్లకాగితం’ మూవీ రివ్యూ & రేటింగ్
Sigma Movie: కథ
గురు (సందీప్ కిషన్) తన తండ్రి చేసిన అప్పులను తీర్చేందుకు రకరకాల ప్రయత్నాలు చేస్తుంటాడు. తన తల్లి జ్ఞాపకంగా ఉన్న ఒక లైబ్రరీని చూసుకుంటూ, అక్కడి నుంచే ఓ యూట్యూబ్ ఛానెల్‌ని నిర్వహిస్తుంటాడు. ఈ క్రమంలో తన ఛానెల్‌కి వాయిస్ ఓవర్ కోసం ఆర్జే సామ్ (ఫరియా అబ్దుల్లా)ని సంప్రదించడంతో వారిద్దరి మధ్య పరిచయం ఏర్పడుతుంది.
మరొకవైపు అప్పుల భారం ఎక్కువై గురును లైబ్రరీ నుంచి వెళ్లగొడతారు. అప్పులు తీర్చడం కోసం తన దగ్గరున్న డబ్బుతో విన్సెంట్ (శివ్ పండిట్) థియేటర్‌లో జరిగే గ్యాంబ్లింగ్‌లో జూదం ఆడి డబ్బులన్నీ పోగొట్టుకుంటాడు. ఆ క్రమంలో అక్కడ జరిగే మోసాలను తెలుసుకున్న గురుకి అనుకోకుండా ఓ పెన్ డ్రైవ్, కీ దొరుకుతాయి. ఆ పెన్ డ్రైవ్, కీ కోసం వీరయ్య రెడ్డి (సంపత్ రాజ్), విన్సెంట్ మనిషి వై (యోగ్ జపీ) కూడా తీవ్రంగా వెతుకుతుంటారు. అసలు ఆ పెన్ డ్రైవ్‌లో ఏముంది? చివరికి గురు తన అప్పులు తీర్చి లైబ్రరీని దక్కించుకున్నాడా లేదా అనేదే మిగతా కథ.
విశ్లేషణ
తమిళ స్టార్ హీరో విజయ్ కొడుకు జాసన్ సంజయ్ డెబ్యూ డైరెక్షన్ కావడం, ‘సిగ్మా’ అనే డిఫరెంట్ టైటిల్ ఉండటంతో ఈ సినిమాపై మంచి అంచనాలు ఏర్పడ్డాయి. సాంకేతికంగా మేకింగ్ పరంగా సినిమా బాగానే ఉన్నప్పటికీ, కథా కథనాల (Writing) విషయంలో దర్శకుడు పూర్తిగా తడబడ్డాడు.
ఫస్ట్ హాఫ్ అంతా హీరో ఆర్థిక ఇబ్బందులు, ఆర్థిక భారం, హీరోయిన్ ఎంట్రీ అంటూ చాలా సాధారణంగా సాగుతుంది. పెన్ డ్రైవ్, కీ సీన్ వచ్చాక కథలో కాస్త కదలిక వచ్చి ఇంటర్వెల్ బ్యాంగ్ ఓకే అనిపిస్తుంది. అయితే సెకండాఫ్‌లో హీరో, విలన్ల మధ్య హోరాహోరీ సీన్లు ఉంటాయని ఆశిస్తే నిరాశే ఎదురవుతుంది. ముందే ఊహించగలిగే స్క్రీన్‌ప్లే, లాజిక్స్ లేకపోవడం, ఎమోషన్స్ పండకపోవడం సినిమాకు పెద్ద మైనస్.
నటీనటుల ప్రదర్శన
- సందీప్ కిషన్: బాయ్ నెక్ట్స్ డోర్‌లా గురు పాత్రలో ఒదిగిపోయాడు. యాక్షన్, కామెడీ సన్నివేశాల్లో తన వంతుగా అత్యుత్తమ నటనను కనబరిచాడు.
- ఫరియా అబ్దుల్లా: పాత్రకు పెద్దగా ప్రాధాన్యం లేకపోయినా ఉన్నంతలో తన గ్లామర్, నటనతో రీఫ్రెషింగ్‌గా అనిపించింది.
- ఇతర నటీనటులు: సంపత్ రాజ్, శివ్ పండిట్, యోగ్ జపీల విలనిజం తేలిపోయింది. రాజ సుందరం అక్కడక్కడా కామెడీతో నవ్వించే ప్రయత్నం చేశాడు.
సాంకేతిక వర్గం పనితీరు
కెమెరా వర్క్ బాగుంది. తమన్ అందించిన పాటల కంటే బ్యాక్‌గ్రౌండ్ స్కోర్ (RR) సన్నివేశాలను కాస్త ఎలివేట్ చేసింది. ఎడిటింగ్, ప్రొడక్షన్ వాల్యూస్ సినిమాకు తగ్గట్టుగా డీసెంట్‌గా ఉన్నాయి.
ప్లస్, మైనస్ పాయింట్లు
సందీప్ కిషన్ నటన, కొన్ని యాక్షన్ సీక్వెన్సెస్, రీఫ్రెషింగ్ కెమిస్ట్రీ, బ్యాక్‌గ్రౌండ్ స్కోర్. బలహీనమైన కథ, కథనం, ముందే ఊహించగలిగే సెకండాఫ్, తీవ్రంగా లోపించిన ఎమోషన్స్ & లాజిక్స్.
చివరగా ‘సిగ్మా’ మీద భారీ అంచనాలు పెట్టుకోకుండా.. టైం పాస్ కోసం వస్తే.. పాటలు, ఫైట్స్, కొన్ని కామెడీ సీన్స్ అంటూ ఆడియెన్స్‌ని ఎంగేజ్ చేసే అవకాశం ఉంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
