BIG BOSS10 : ఆగస్టు 15 నుండి బిగ్ బాస్ 'అగ్నిపరీక్ష' స్ట్రీమింగ్ ప్రారంభం

BIG BOSS10 : తెలుగు బుల్లితెరపై అత్యంత ప్రేక్షకాదరణ పొందిన రియాలిటీ షో ‘బిగ్ బాస్’ పదో సీజన్‌కు సంబంధించిన బిగ్ అప్‌డేట్‌ను నిర్వాహకులు అధికారికంగా విడుదల చేశారు. ప్రముఖ ఎంటర్‌టైన్‌మెంట్ ఛానెల్ ‘స్టార్ మా’ ప్రకటించిన కథనం ప్రకారం, ఈ నెల 15వ తేదీ (ఆగస్టు 15) నుండి ‘బిగ్ బాస్ – అగ్నిపరీక్ష’ స్ట్రీమింగ్ ప్రారంభం కానుంది. గత సీజన్ విజేత కళ్యాణ్ పడాల ఈ విశేషాన్ని సోషల్ మీడియా వేదికగా వెల్లడించడంతో అభిమానుల్లో ఆసక్తి రెట్టింపు అయింది. సాధారణ ప్రజలకు (కామన్ మేన్) బిగ్ బాస్ హౌస్‌లోకి ప్రవేశించే సువర్ణావకాశాన్ని కల్పించే లక్ష్యంతో ఈ ‘అగ్నిపరీక్ష’ ఆడిషన్స్ కార్యక్రమాన్ని రూపొందించారు. హౌస్‌లోకి అడుగుపెట్టడానికి అర్హులైన ప్రతిభావంతులను ఎంపిక చేయడమే ఈ ప్రత్యేక స్ట్రీమింగ్ ముఖ్య ఉద్దేశం.

అడిషన్స్ జడ్జీలుగా మాజీ కంటెస్టెంట్లు.. ప్రేక్షకుల్లో భారీ అంచనాలు!

ఈసారి నిర్వహించబోయే ‘అగ్నిపరీక్ష’ ఆడిషన్స్‌కు న్యాయ నిర్ణేతలుగా బిగ్ బాస్ మాజీ విజేతలు, ప్రముఖ నటులు వ్యవహరించనున్నట్లు సమాచారం. గత సీజన్లలో తమ అద్భుతమైన ఆటతీరుతో ఆకట్టుకున్న బిందు మాధవి, అభిజీత్ మరియు నవదీప్ ఈ కార్యక్రమానికి జడ్జీలుగా వ్యవహరించే అవకాశం ఉందని టాక్ వినిపిస్తోంది. బిగ్ బాస్ గేమ్‌లో అనుభవం ఉన్న వీరు, కామన్ పీపుల్ నుండి సరైన కంటెస్టెంట్లను ఎంపిక చేయడంలో కీలక పాత్ర పోషించనున్నారు. ఆగస్టు 15న ప్రారంభమయ్యే ఈ ఆడిషన్స్ ప్రక్రియ పూర్తయిన వెంటనే, బిగ్ బాస్ సీజన్-10 ప్రధాన షో ఘనంగా ప్రారంభం కానుంది. దీంతో ఈ కొత్త సీజన్ ఎలాంటి కొత్తదనంతో, ఎంతటి డ్రామాతో ముందుకు వస్తుందోనని బుల్లితెర వీక్షకులు తీవ్ర ఆత్రుతతో ఎదురుచూస్తున్నారు.