టాలీవుడ్ హీరో శ్రీవిష్ణు కామెడీ పాత్రలలో అదరగొట్టిన నటుడిగా పేరు తెచ్చుకున్న విషయం అందరికీ తెలిసిందే. అయితే, ఆయన పూర్తిస్థాయి యాక్షన్ రోల్ లో నటించడమేనన్నది ‘అల్లూరి’ ప్రత్యేకత. ఈ సినిమా 2022 సెప్టెంబర్ 23 న థియేటర్లలో విడుదలై, దాదాపు 7 కోట్ల రూపాయల వసూళ్లు రాబట్టింది. కయాదు లోహర్ ఈ సినిమాతో కథానాయికగా పరిచయం కాగా, ఆల్రెడీ ఓటీటీలో స్ట్రీమ్ అవుతోన్న ఈ చిత్రం, తాజాగా అమెజాన్ ప్రైమ్ లోకి వచ్చింది.
కథ
రామరాజు (శ్రీవిష్ణు) నిజాయితీగా పని చేసే పోలీస్ ఆఫీసర్. అధికారుల వల్ల సతమతమవుతూనే, సామాన్య ప్రజలకు న్యాయం చేయాలని సంకల్పిస్తాడు. ఎక్కడ పనిచేసినా తన ధైర్యంతో, నిజాయితీతో అధికారుల, రాజకీయ నేతల కంటికొయ్యగా మారతాడు. ఈ క్రమంలో అతనికి తరచూ బదిలీలు జరుగుతూ ఉంటాయి.విశాఖలో అధికార పార్టీ నాయకుడు సాంబశివరావు తన అక్రమాలకు అడ్డంగా మారిన రామరాజును తొలగించడానికి కుట్రలు పన్నుతాడు.ఈ నేపథ్యంలోనే ‘ఫరా’ అనే యువతి అదృశ్యమవుతుంది. ఆ యువతి ఆచూకీ తెలుసుకోవడానికి రామరాజు రంగంలోకి దిగుతాడు. ఫరా ఎవరు? ఆమె కనిపించకుండా పోవడానికి కారణం ఏమిటి? రామరాజును అడ్డు తప్పించడానికి సాంబశివరావు ఎలాంటి ప్లాన్ చేస్తాడు? అలీ ఏం చేస్తాడు? దుర్మార్గులను ఏరివేయాలనే రామరాజు కోరిక నెరవేరుతుందా ఈ కేసు వెనుక ఉన్న అసలు నిజం ఏమిటి? రామరాజు తన ధైర్యంతో ఈ కుట్రలను ఛేదించగలడా? అనేదే మిగతా కథ.
పోలీస్ డ్రామా
ఈ సినిమా ఒక నిజాయితీ గల పోలీస్ అధికారికి ఎదురయ్యే అవరోధాలను, రాజకీయ నేతలు, రౌడీల మధ్య జరిగే గొడవని ఫోకస్ చేస్తుంది. పోలీస్ కథలలో సహజంగా వచ్చే ఫార్మాట్ ను ఫాలో అయినప్పటికీ, ఇక్కడ హీరో ఒక్కో సమస్యను ఒకటిగా ఎదుర్కొంటూ ముందుకెళతాడు. అయితే ఈ కథలో హీరో ముందుకు వచ్చే సమస్యలు సింగిల్ ఎపిసోడ్స్ మాదిరిగా ఉంటాయి. ఆ సమస్యలను దాటుకుంటూ హీరో ముందుకు వెళుతూ ..ఫైనల్ ఎపిసోడ్ ను టచ్ చేస్తాడు. ఇలాంటి ట్రాక్ వలన చివరి వరకూ హీరోకి బలమైన విలన్ తారసపడకపోవడం లోపంగా కనిపిస్తుంది. నిజాయితీ గల పోలీస్ అధికారి పోరాటం,రాజకీయ ఒత్తిళ్లపై అద్భుతమైన ప్రెజెంటేషన్, శ్రీవిష్ణు కొత్త అవతారం – యాక్షన్ పర్ఫార్మెన్స్ఫొటోగ్రఫీ, బ్యాక్ గ్రౌండ్ మ్యూజిక్ బాగుంది.శ్రీవిష్ణు కామెడీ హీరోగా పేరు తెచ్చుకున్నప్పటికీ, ఈ సినిమాలో మాత్రం పక్కా పోలీస్ ఆఫీసర్గా ట్రాన్స్ఫార్మేషన్ అయ్యాడు. అతని నటన హైలైట్. అతను పోలీస్ యూనిఫామ్లో అదరగొట్టాడు. అయితే, మిగతా క్యారెక్టర్లు అతనికి సరితూగేలా డిజైన్ చేయకపోవడం వల్ల ఆయన ఒక్కడే మిగిలిపోయినట్లుగా అనిపిస్తుంది.హీరోయిన్ కయాదు లోహర్ గ్లామర్ పరంగా మెప్పించింది. కానీ, ఆమె క్యారెక్టర్ లో అంత స్పెషల్ ఏమీలేదు. రాజ్ తోట సినిమాటోగ్రఫీ సినిమాకి హైలైట్. హర్షవర్ధన్ రామేశ్వర్ బ్యాక్గ్రౌండ్ స్కోర్ సినిమాకి గ్రిప్అయితే ఎడిటింగ్ ఇంకా ఉంటే బావుండేది.
