కోలీవుడ్ దిగ్గజ హాస్యనటుడు చంద్రబాబు జీవిత చరిత్ర ఆధారంగా బయోపిక్ నిర్మించేందుకు ప్రముఖ నిర్మాణ సంస్థ గోపాల్ వన్ స్టూడియోస్ సన్నద్ధమవుతోంది. తమిళ సినిమా రంగంలో అత్యధిక పారితోషికం అందుకున్న నటుడిగా, ప్రత్యేకమైన నటనతో తనకంటూ గుర్తింపు తెచ్చుకున్న చంద్రబాబు జీవితాన్ని వెండితెరపై తీసుకురావాలన్న ఉద్దేశంతో ఈ ప్రాజెక్ట్ ప్రారంభమవుతోంది.
చంద్రబాబు జీవిత కథకు ప్రేరణగా “ది లెజెండ్ ఆఫ్ చంద్రబాబు” అనే నవలను ఆధారంగా తీసుకుని ఈ చిత్రం రూపొందించనున్నారు. ఈ బయోపిక్‌ను అత్యంత ప్రతిష్ఠాత్మకంగా రూపొందించేందుకు నిర్మాతలు ప్రణాళికలు సిద్ధం చేస్తున్నారు. చంద్రబాబు పాత్రలో నటించేందుకు కోలీవుడ్ స్టార్ హీరో ధనుష్‌ని ఎంపిక చేసారన్న టాక్ చిత్ర పరిశ్రమలో వినిపిస్తోంది.
ప్రస్తుతం ధనుష్ ఇళయరాజా బయోపిక్‌లో నటిస్తున్నాడు. ఆ సినిమా పూర్తి అయ్యాక చంద్రబాబు బయోపిక్‌పై ఫోకస్ పెట్టనున్నారని సమాచారం. ధనుష్ తన నటనతో పాత్రలకు ప్రాణం పోసే సామర్థ్యం ఉన్న నటుడిగా ఇప్పటికే పేరు సంపాదించుకున్నారు. చంద్రబాబు పాత్రలో ధనుష్ కనిపిస్తే ప్రేక్షకులకు ఆసక్తికర అనుభవం కలిగే అవకాశం ఉందని సినీ విశ్లేషకులు అభిప్రాయపడుతున్నారు. ఈ బయోపిక్‌కు సంబంధించి అధికారిక ప్రకటన వెలువడాల్సి ఉంది. ధనుష్ ఎంపికతో పాటు, ఈ చిత్రానికి దర్శకుడు ఎవరు, ఇతర నటీనటుల వివరాలు త్వరలో వెల్లడించే అవకాశం ఉంది. ఈ ప్రాజెక్ట్‌పై ఇప్పటికే ప్రేక్షకుల్లో భారీ అంచనాలు నెలకొన్నాయి.
చంద్రబాబు జీవితం భారతీయ సినీ రంగంలో ఒక ప్రత్యేక అధ్యాయం. ఆయన గాయకుడిగా, హాస్యనటుడిగా, విభిన్న పాత్రల్లో తన ప్రతిభను చాటుకున్న తీరు ఇప్పటికీ అనేక మందికి స్ఫూర్తిగా నిలుస్తోంది. ఆయన జీవిత కథపై రూపొందే ఈ బయోపిక్ ప్రేక్షకులకు అలరించడమే కాకుండా, ఆయన గొప్పతనాన్ని కొత్త తరానికి పరిచయం చేయనుంది.
నాగచైతన్య రెండో పెళ్ళికి సిద్దమైన సంగతి తెలిసిందే. సమంత ను ప్రేమించి పెళ్లి చేసుకున్న చైతు కొంతకాలానికే విడాకులు ఇచ్చారు. ఆ తర్వాత ఇద్దరు ఎవరి లైఫ్ Read more
టాలీవుడ్ హీరో నారా రోహిత్ పెళ్లిపీటలు ఎక్కబోతున్నట్లు తెలుస్తోంది. ఈనెల 13న హైదరాబాద్లో ఆయన ఎంగేజ్మెంట్ జరగనున్నట్లు సన్నిహిత వర్గాలు పేర్కొన్నాయి. ఇటీవల ఆయన నటించిన ప్రతినిధి-2లో Read more
1950లో భారత్‌లో ప్రతి మహిళకు గరిష్టంగా 6.2 పిల్లలు పుట్టుతున్నారని గుర్తించబడింది. కానీ ఆ తరువాత సకాలంలో, ఈ ఫర్టిలిటీ రేటు తగ్గి 2 కన్నా తక్కువగా Read more
PM Modi: శ్రీరామనవమి సందర్భంగా ప్రధాని నరేంద్రమోడీ తమిళనాడు రామేశ్వరంలోని రామనాథస్వామి ఆలయాన్ని సందర్శించనున్నారు. ఏప్రిల్ 06న ఆలయంలో మోడీ ప్రత్యేక పూజలు చేయనున్నారు. ఇదే రోజు Read more