తిరుమల శ్రీవారి భక్తులకు టీటీడీ (తిరుమల తిరుపతి దేవస్థానం) శుభవార్త తెలిపింది. రోజురోజుకీ భక్తుల సంఖ్య పెరుగుతున్న నేపథ్యంలో, వారి సౌకర్యార్థం కొత్త ఏర్పాట్లను చేపట్టాలని టీటీడీ నిర్ణయించింది. ముఖ్యంగా SSD టోకెన్లు కలిగిన భక్తులు తిరుమలకు చేరుకునే సమయంలో ఎక్కువసేపు నిలబడాల్సి రావడం, వర్షం, ఎండ కారణంగా ఇబ్బందులు పడటం వంటి అంశాలను పరిగణనలోకి తీసుకుని, నూతనంగా క్యూలైన్ మార్గాలు, షెడ్లు ఏర్పాటు చేయాలని నిర్ణయించింది. తిరుమలలోని ఏటీజీహెచ్ అతిథి గృహం సమీపంలో ఈ సదుపాయాలు ఏర్పాటు చేయనున్నారు.
Montha Cyclone Effect : అన్నదాతకు అపారనష్టం
టీటీడీ అధికారులు తెలిపిన వివరాల ప్రకారం, బాటగంగమ్మ ఆలయం నుంచి గోగర్భం జలాశయం కూడలి వరకు సుమారు 3 కిలోమీటర్ల మేర శాశ్వత క్యూలైన్ల నిర్మాణం జరగనుంది. మొత్తం రూ.17.60 కోట్ల వ్యయంతో ఈ ప్రాజెక్టు అమలు చేయనున్నారు. ఈ మార్గంలో భక్తుల కోసం షెడ్లు, సౌకర్యవంతమైన మరుగుదొడ్లు, తాగునీటి సదుపాయాలు, సీసీ కెమెరాలు, ఎలక్ట్రానిక్ డిస్ప్లే బోర్డులు వంటి ఆధునిక సదుపాయాలు ఏర్పాటు చేయనున్నారు. ఈ మార్గం పూర్తయ్యాక భక్తులు సులభంగా, క్రమబద్ధంగా దర్శనానికి చేరుకోగలరని అధికారులు తెలిపారు.
భక్తుల రద్దీని దృష్టిలో ఉంచుకుని, తిరుమలలో టీటీడీ ఇప్పటికే పలు అభివృద్ధి పనులు చేపట్టింది. గరుడ వాహన సేవలు, బ్రహ్మోత్సవాలు, వారాంతపు సెలవులు వంటి రోజులలో భారీగా భక్తులు తరలి వస్తారు. అలాంటి సందర్భాల్లో ఈ కొత్త క్యూలైన్ మార్గం భక్తుల రద్దీని సులభంగా నియంత్రించడంలో తోడ్పడనుంది. అదేవిధంగా వృద్ధులు, చిన్నపిల్లలతో వచ్చే కుటుంబాలకు విశ్రాంతి తీసుకునే ప్రదేశాలు, నీడనిచ్చే షెడ్లు ఉండడం వల్ల అనేక ఇబ్బందులు తగ్గుతాయని అధికారులు పేర్కొన్నారు. ఈ ప్రాజెక్టు త్వరలోనే పూర్తి చేసి భక్తుల సేవలో ప్రవేశపెట్టే ప్రయత్నాలు జరుగుతున్నాయని టీటీడీ స్పష్టం చేసింది.
Read hindi news: https://hindi.vaartha.com
Epaper : https://epaper.vaartha.com/
