Sun Worship: భాస్కరుడిని ఇలా పూజిస్తే ఆరోగ్యం, ఐశ్వర్యం..

హిందూ ధర్మంలో సూర్యుడిని(Sun Worship) ప్రత్యక్ష దైవంగా కొలుస్తారు. సూర్య ఆరాధన ద్వారా కోరిన కోరికలు నెరవేరడమే కాకుండా, ఆరోగ్యం, ఐశ్వర్యం వంటి శుభ ఫలితాలు కలుగుతాయని పండితులు చెబుతున్నారు. ఈ ఆరాధనలో పాటించాల్సిన విధానం కింద ఇవ్వబడింది.

సూర్యారాధన పద్ధతి

నిరంతరాయంగా 5 లేదా 11 వారాలు పాటు ఈ నియమాలను పాటించడం వల్ల శుభ ఫలితాలు కలుగుతాయని పండితులు సూచిస్తున్నారు:

స్నానం: సూర్యోదయానికి ముందే(Sun Worship) నిద్రలేచి స్నానం చేసి శుచిగా ఉండాలి.
వాకిలి సిద్ధం: సూర్య కిరణాలు నేరుగా పడే ఇంటి వాకిలిపై లేదా ఆరాధనా స్థలంలో రాగి పాత్రతో కల్లాపు చల్లి, శుభ్రం చేయాలి.
ముగ్గు, ఆవాహన: శుభ్రం చేసిన చోట ముగ్గు వేయాలి. ముగ్గు మధ్యలో పసుపు, కుంకుమ వేసి, అందులోకి సాక్షాత్తు సూర్యుడిని ఆవాహన చేయాలి (లేదా సూర్య నమస్కారం చేయాలి).
నైవేద్యం: ఆవాహన చేసిన తర్వాత, పరమాన్నాన్ని నైవేద్యంగా సమర్పించాలి.
దీపం: ఆవు నెయ్యితో ఇంటి ముందు దీపం వెలిగించడం అత్యంత శుభ సూచకంగా పరిగణించబడుతుంది.