Sankranti traditions: భోగి రోజున జమ్మి చెట్టు పూజ ఎందుకు చేస్తారు?

Sankranti traditions: భోగి పండుగ రోజున జమ్మి చెట్టుకు చేసే పూజ ఎంతో శుభఫలితాలను ఇస్తుందని పండితులు పేర్కొంటున్నారు. ఈ రోజున జమ్మి చెట్టు వద్ద భక్తిశ్రద్ధలతో పూజ చేయడం ద్వారా సంవత్సరం పొడవునా అదృష్టం, ఐశ్వర్యం పెరుగుతాయని విశ్వాసం.

**Sankranti traditions: Why is Jammi tree worship performed on Bhogi day?**

భోగి ఉదయం సమీపంలోని జమ్మి చెట్టును(Jammi tree pooja) దర్శించి, పసుపు–కుంకుమతో అర్చన చేసి దీపారాధన చేయాలి. అనంతరం మూడు సార్లు ప్రదక్షిణలు చేసి నమస్కరించడం ఆనవాయితీగా వస్తోంది. ఆ తరువాత జమ్మి ఆకులను తీసుకుని ఇంటికి తీసుకువచ్చి సంక్రాంతి పూజలో ఉంచాలి.

పూజ పూర్తయ్యాక ఆ జమ్మి ఆకులను ధనం, విలువైన వస్తువులు నిల్వ చేసే బీరువా లేదా దేవస్థానంలో భద్రపరిస్తే ఆర్థికంగా నిలకడ, చేపట్టిన కార్యాల్లో విజయం, కుటుంబంలో శుభకార్యాలు జరుగుతాయని ఆచార నిపుణులు చెబుతున్నారు. ముఖ్యంగా వ్యాపారం, ఉద్యోగం, వ్యవసాయం చేసే వారికి ఈ పూజ మంచి ఫలితాలు ఇస్తుందని నమ్మకం.

జమ్మి చెట్టు విజయదశమి నుంచే పవిత్రంగా భావించబడుతోంది. దసరా రోజున శమీ పూజ చేసినట్టే, భోగి రోజున కూడా జమ్మి పూజ చేయడం వల్ల నూతన సంవత్సరానికి శుభారంభం కలుగుతుందని భక్తుల విశ్వాసం.

Read hindi news: hindi.vaartha.com

Epaper: epaper.vaartha.com