ప్రతి సంవత్సరం పన్నెండు అమావాస్యలు వస్తాయి. వాటిలో భాద్రపద బహుళ అమావాస్యను మహాలయ అమావాస్యగా ప్రత్యేకంగా జరుపుకుంటారు. ఈ రోజు పితృదేవతల ఆరాధనకు అత్యంత శ్రేష్ఠమైన సమయంగా పరిగణిస్తారు. వంశాభివృద్ధి, పితృదోష నివారణ, పూర్వీకుల అనుగ్రహం పొందేందుకు ఈ రోజున తర్పణాలు, పిండప్రదానం, దానధర్మాలు చేయాలని శాస్త్రం సూచిస్తోంది.
పితృ రుణం తీర్చుకోవాల్సిన అవసరం
గరుడ పురాణం(Garuda Purana) ప్రకారం ప్రతి మనిషి మూడు రుణాలను తప్పకుండా తీర్చుకోవాలి – దేవరుణం, ఋషిరుణం, పితృరుణం.
- దేవరుణం – దేవతారాధన ద్వారా తీరుతుంది.
- ఋషిరుణం – గురువులను గౌరవించడం, వారి బోధనలను ఆచరించడం ద్వారా తీర్చుకోవాలి.
- పితృరుణం – పూర్వీకులకు ప్రతి సంవత్సరం శ్రాద్ధ కర్మలు చేయడం, అమావాస్య రోజున తర్పణాలు విడవడం, వారి పేరిట దానాలు చేయడం ద్వారా తీర్చుకోవచ్చు.
మహాలయ అమావాస్య రోజున చేయాల్సిన పూజలు
ఈ రోజు పూర్వీకులకు మంత్రపూర్వకంగా నువ్వులు కలిపిన నీటితో తర్పణాలు చేయడం విశేష ఫలితాలను ఇస్తుంది. అదేవిధంగా తిలహోమం, సూర్యారాధన, ఆదిత్య హృదయం పారాయణం చేయడం ద్వారా పితృదోషాలు తొలగుతాయని విశ్వాసం. శాస్త్రప్రకారం ఇతర పూజలు సూర్యోదయాన్నే చేస్తారు కానీ పితృదేవతల పూజలు మాత్రం మధ్యాహ్నం 12 గంటలకు చేయాలని సూచించారు.
ఎంగిలిపూల బతుకమ్మ ఆరంభం
మహాలయ అమావాస్యతో తెలంగాణ సాంప్రదాయ పండుగ బతుకమ్మ(Bathukamma) సంబరాలు మొదలవుతాయి. తొలి రోజున జరుపుకునేదాన్ని ఎంగిలిపూల బతుకమ్మ అంటారు. ఒక రోజు ముందే సేకరించిన పువ్వులను నీటిలో నానబెట్టి, వాటితో బతుకమ్మను పేర్చి మహిళలు ఆడిపాడుతూ పూజిస్తారు. ఈ రోజు నైవేద్యంగా తులసి, వక్కలతో పాటు నువ్వులు, బియ్యం పిండి, నూకలు సమర్పిస్తారు. ఆట పూర్తయిన తర్వాత ప్రసాదాన్ని అందరూ పంచుకోవడం ఈ రోజు ప్రత్యేకత.
మహాలయ అమావాస్య ఎందుకు ముఖ్యంగా పరిగణించబడుతుంది?
మహాలయ అమావాస్య రోజున చేసిన తర్పణాలు, దానాలు పితృదేవతలకు తృప్తి కలిగించి, వంశాభివృద్ధి, పితృదోష నివారణ కలుగుతుందని నమ్మకం.
ఈ రోజున పూజలు ఎప్పుడు చేయాలి?
పితృ పూజలు మధ్యాహ్నం 12 గంటల సమయంలో చేయాలి అని శాస్త్రం చెబుతోంది.
Read hindi news: hindi.vaartha.com
Read Also:
