తిరుమల తిరుపతి దేవస్థానం (టీటీడీ) 2025 జనవరి నెలకు సంబంధించిన శ్రీవారి ఆర్జిత సేవా టికెట్ల కోటాను అక్టోబర్ 19న ఉదయం 10 గంటలకు ఆన్లైన్లో విడుదల చేయనుంది ఈ సేవా టికెట్ల కోసం రిజిస్ట్రేషన్ చేసుకునే అవకాశం అక్టోబర్ 21న ఉదయం 10 గంటల వరకు ఉంటుంది. ఈ సమయంలో భక్తులు టికెట్ల కోసం ఎలక్ట్రానిక్ డిప్ ద్వారా రిజిస్టర్ చేసుకోవచ్చు లక్కీ డిప్లో విజేతలు అక్టోబర్ 21 నుండి 23 మధ్యాహ్నం 12 గంటల లోపు టికెట్లను పొందేందుకు చెల్లింపులు పూర్తి చేయవలసి ఉంటుంది.
అక్టోబర్ 22: కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను ఉదయం 10 గంటలకు ఆన్లైన్లో విడుదల చేస్తారు అదే రోజు మధ్యాహ్నం 3 గంటలకు జనవరి నెలకు సంబంధించిన వర్చువల్ సేవలు మరియు దర్శన స్లాట్ల కోటాను కూడా విడుదల చేస్తారు.
అక్టోబర్ 23: అంగప్రదక్షిణం టోకెన్ల కోటా ఉదయం 10 గంటలకు మరియు శ్రీవాణి ట్రస్టు టికెట్ల కోటా ఉదయం 11 గంటలకు విడుదల చేయనున్నారు వృద్ధులు దివ్యాంగులకు ఉచిత ప్రత్యేక దర్శనం టోకెన్ల కోటా మధ్యాహ్నం 3 గంటలకు అందుబాటులో ఉంటుందిఅక్టోబర్ 24: ప్రత్యేక ప్రవేశ దర్శనం టికెట్లు ఉదయం 10 గంటలకు, తిరుమల, తిరుపతి గదుల కోటా మధ్యాహ్నం 3 గంటలకు ఆన్లైన్లో అందుబాటులోకి రానుంది. భక్తులు ఈ సేవలు మరియు దర్శనం టికెట్లను టీటీడీ అధికారిక వెబ్సైట్ https://ttdevasthanams.ap.gov.in ద్వారా బుక్ చేసుకోవచ్చని టీటీడీ సూచించింది.
