సంగారెడ్డిలో ప్రేమ ఘర్షణ దారుణం
B-Tech student murder: ప్రేమ వ్యవహారం నేపథ్యంలో మరో యువకుడు దుర్మరణం చెందాడు. తమ కూతురితో ప్రేమలో ఉన్నాడనే కారణంతో బీటెక్ విద్యార్థిని క్రూరంగా హతమార్చిన సంఘటన సంగారెడ్డి(Sangareddy crime) జిల్లాలో సంచలనం రేపుతోంది. పెళ్లి విషయంపై మాట్లాడుకుందామని నమ్మించి ఇంటికి పిలిచిన తర్వాతే ఈ ఘోరం జరిగిందని యువకుడి కుటుంబ సభ్యులు ఆరోపిస్తున్నారు. కేసు నమోదు చేసిన పోలీసులు దర్యాప్తు చేపట్టారు.
Read Also: AP Crime: నకిలీ మద్యం కేసులో గోవా వ్యాపారి బాలాజీకే అధిక చెల్లింపులు
అమీన్పూర్లో ప్రేమ వివాదం విషాదం
అమీన్పూర్ పోలీస్ స్టేషన్ పరిధిలోని బీరంగూడ సృజన లక్ష్మీ నగర్లో జరిగిన ఈ ఘటనలో శ్రవణ్ సాయి (20) అనే యువకుడు ప్రాణాలు కోల్పోయాడు. ఎన్టీఆర్ జిల్లా(NTR Distt) పెనుగంచిప్రోలు అతడి స్వస్థలం. ప్రస్తుతం కుత్బుల్లాపూర్లో అద్దె గదిలో ఉంటూ మైసమ్మగూడలోని సెయింట్ పీటర్ కాలేజీలో బీటెక్ రెండో సంవత్సరం చదువుతున్నాడు.
బీరంగూడ ఇసుకబావికి చెందిన శ్రీజ (19)తో సాయి కొంతకాలంగా ప్రేమలో ఉన్నాడు. ఇద్దరూ పెళ్లి చేసుకోవాలనే నిర్ణయానికి రావడంతో ఈ విషయం యువతి తల్లిదండ్రులకు తెలిసింది. పలుమార్లు హెచ్చరించినా ప్రేమ వ్యవహారం ఆగకపోవడంతో వారు కుతంత్రం పన్నారు.
పెళ్లి మాటలతో మభ్యపెట్టి యువకుడి హత్య
పెళ్లి విషయంపై మాట్లాడుకుందామని నమ్మించి తమ ఇంటికి పిలిపించుకున్నారు. యువతి కుటుంబ సభ్యులు, అతడు రాగానే అకస్మాత్తుగా అతడిపై దాడి చేసి బ్యాటుతో కొట్టి చంపినట్లు ఆరోపణలు ఉన్నాయి. అనంతరం మృతదేహాన్ని పటాన్చెరు ప్రభుత్వాస్పత్రికి తరలించారు. ప్రస్తుతం అమీన్పూర్ పోలీసులు హత్య కేసు నమోదు చేసి విచారణ కొనసాగిస్తున్నారు. పూర్తి వివరాలు ఇంకా వెలుగులోకి రావాల్సి ఉంది.
Read hindi news: hindi.vaartha.com
Epaper : epaper.vaartha.com
Read Also:
