హోలీ పండుగను పురస్కరించుకుని ప్రముఖ ఈ-కామర్స్ సంస్థల పేరిట వాట్సాప్, ఎస్ఎంఎస్ (SMS)లలో భారీ డిస్కౌంట్ లింకులు చక్కర్లు కొడుతున్నాయి. “హోలీ స్పెషల్ గిఫ్ట్స్”, “రంగులపై 90% తగ్గింపు”, లేదా “ప్రముఖ ఈవెంట్లకు ఉచిత పాస్లు” అంటూ వచ్చే ఈ లింకులు చూడటానికి నిజమైన వెబ్సైట్లలాగే కనిపిస్తాయి. అయితే, వీటిని క్లిక్ చేయగానే యూజర్లు ఒక నకిలీ వెబ్సైట్కు వెళతారు. అక్కడ మీ వ్యక్తిగత వివరాలు లేదా బ్యాంకింగ్ సమాచారాన్ని నమోదు చేయమని అడుగుతారు. ఒక్కసారి ఆ వివరాలు ఇస్తే, మీ ప్రమేయం లేకుండానే నిమిషాల వ్యవధిలో బ్యాంక్ ఖాతాలోని సొమ్ము మాయమ్యే ప్రమాదం ఉంది.
Gandhanguda government : రూ.600 కోట్ల భూమి రక్షణ, గంధంగూడలో హైడ్రా చర్య
తెలంగాణ సైబర్ సెక్యూరిటీ బ్యూరో డైరెక్టర్ శిఖాగోయల్ ఈ తరహా మోసాలపై ప్రజలను తీవ్రంగా హెచ్చరించారు. కేవలం డబ్బులు పోవడమే కాకుండా, కొన్ని అనుమానాస్పద లింకులను క్లిక్ చేయడం ద్వారా మీ స్మార్ట్ఫోన్లోకి తెలియకుండానే ‘మాల్వేర్’ (Malware) వంటి వైరస్లు ప్రవేశిస్తాయి. ఇవి మీ ఫోన్ గ్యాలరీలోని ఫోటోలు, కాంటాక్ట్స్ మరియు మెసేజ్లను హ్యాకర్ల చేతికి చిక్కేలా చేస్తాయి. పండుగ ఆఫర్ల కోసం అధికారిక యాప్లు లేదా వెబ్సైట్లను మాత్రమే సంప్రదించాలని, గుర్తు తెలియని వ్యక్తులు పంపే షార్ట్ లింకులను (Short Links) ఎట్టి పరిస్థితుల్లోనూ ఓపెన్ చేయవద్దని అధికారులు సూచిస్తున్నారు.
Vikarabad Visit: వికారాబాద్లో రాహుల్ గాంధీని కలిసిన మంత్రి సీతక్క
ఒకవేళ పొరపాటున ఇటువంటి లింకులను క్లిక్ చేసి ఆర్థికంగా నష్టపోతే, ఏమాత్రం ఆలస్యం చేయకుండా ప్రభుత్వం కేటాయించిన సైబర్ క్రైమ్ హెల్ప్లైన్ నంబర్ 1930 కు కాల్ చేయాలి. నేరం జరిగిన మొదటి గంట (Golden Hour) లో ఫిర్యాదు చేస్తే, హ్యాకర్లు దొంగిలించిన సొమ్మును ఇతర ఖాతాలకు బదిలీ కాకుండా ‘ఫ్రీజ్’ చేసే అవకాశం ఉంటుంది. అలాగే www.cybercrime.gov.in పోర్టల్లో కూడా ఫిర్యాదు నమోదు చేయవచ్చు. పండుగ పూట అప్రమత్తంగా ఉండటమే సైబర్ నేరాల నుండి రక్షణ పొందే ఏకైక మార్గం.
Read Also hindi news: hindi.vaartha.com
Read Also Epaper : epaper.vaartha.com
Read Also :
