సినిమాల్లో కనిపించే హీరోయిన్లలా తీరు, అందం… యూనిఫాం సహా ఆమె వ్యక్తిత్వం చూసి ఎవరైనా మెస్మరైజ్ అవ్వాల్సిందే. అలాంటి లేడీ ఆఫీసర్ చత్తీస్గఢ్లో(Chhattisgarh crime) ఓ వ్యాపారిని ప్రేమ మాటలతో తన వలలోకి లాగిందన్న ఆరోపణలతో పెద్ద కలకలం రేగింది. యూనిఫాం శాఖలో కీలక స్థానంలో ఉన్న ఈ అధికారి చర్యలపై వచ్చిన ఫిర్యాదు ప్రస్తుతం విభాగం మొత్తాన్ని కుదిపేస్తోంది.
Read Also: Sabarimala: కేరళలో ఆటోను ఢీకొన్నా ముగ్గురు దుర్మరణం
ప్రేమ పేరుతో ట్రాప్?
హనీట్రాప్లు, విశ్వాస ఘాతుకాలు కొత్తేమీ కాదు. కానీ బాధితుడు పోలీసులనే ఆశ్రయించాల్సిన సమయంలో, పోలీస్ ఆఫీసరే ప్రేమ పేరుతో బంధించి కోట్ల రూపాయలు వసూలు చేసిందని ఆరోపణలు రావడం రాయ్పూర్లో(Chhattisgarh crime) పెద్ద చర్చకు దారితీసింది.
దీపక్ టండన్ అనే వ్యాపారి ఫిర్యాదు ప్రకారం—2021లో డీఎస్పీ కల్పన వర్మతో పరిచయం ప్రారంభమై, తర్వాత స్నేహం ప్రేమలోకి మారిందట. అదే సమయంలో తరచూ డబ్బులు కోరడం మొదలైందని అతడి ఆరోపణ.
కోట్లు ఖర్చు… తర్వాత బెదిరింపులు?
దీపక్ టండన్ వివరాలు ప్రకారం:
- ₹12 లక్షల డైమండ్ రింగ్
- ₹5 లక్షల బంగారు గొలుసు
- టాప్స్, బ్రాస్లెట్
- ఇన్నోవా క్రిస్టా కారు
- భార్య పేరుతో ఉన్న ₹22 లక్షల కారు
- ₹45 లక్షల చెక్కు
అదే కాదు… అతని హోటల్ను కూడా తన సోదరుడి పేరుతో రిజిస్టర్ చేసి, తర్వాత ₹30 లక్షలు పెట్టి తన పేరుకు మార్చుకుందన్నదే దీపక్ ఆరోపణ. డబ్బులు అడగడం మొదలుపెట్టగానే—తప్పుడు కేసులు పెడతానని బెదిరించిందని, తన భార్యకు విడాకులు ఇచ్చి పెళ్లి చేసుకోవాలని ఒత్తిడి తీసుకువచ్చిందని టండన్ చెబుతున్నాడు.
వాట్సాప్ చాట్స్ – సీసీటీవీ ఫుటేజ్ సాక్ష్యాలా?
ఈ అంశాన్ని నిరూపించేందుకు దీపక్ టండన్ వాట్సాప్ సందేశాలు, సీసీటీవీ ఫుటేజ్లను పోలీసులకు అందించాడు. ఇవి సోషల్ మీడియాలో ఇప్పటికే వైరల్గా మారాయి. అయితే డీఎస్పీ కల్పన వర్మ మాత్రం ఇవన్నీ అసత్యాలు, తనను అపఖ్యాతి పాల్జేయడానికే ఈ నాటకం నడుస్తోందని అంటున్నారు. నిజం బయటపడేందుకు ఏ విచారణకైనా సిద్ధమని ఆమె ప్రతిపాదించారు.
విభాగం లోతుగా దర్యాప్తు చేస్తోంది
వ్యాపారి ఆరోపణలు, లేడీ డీఎస్పీ ప్రతివాదనలు—ఇవి రెండింటి వల్ల ఖాకీ ప్రతిష్టపై పెద్ద ప్రభావం పడటంతో రాయ్పూర్ పోలీస్ శాఖ సమగ్ర దర్యాప్తు ప్రారంభించింది. నిజం ఏదో త్వరలో బయటపడనుంది.
Read hindi news: hindi.vaartha.com
Epaper : epaper.vaartha.com
Read Also:
