తెలుగు సినీ రాజకీయ రంగాన్ని దిగ్భ్రాంతికి గురిచేస్తూ నందమూరి కుటుంబంలో విషాదఛాయలు అలముకున్నాయి. ఎన్టీఆర్ పెద్ద కుమారుడు జయకృష్ణ గారి సతీమణి నందమూరి పద్మజ (Jayakrishna’s wife is Nandamuri Padmaja) (73) అనారోగ్యంతో కన్నుమూశారు. ఆమె కొన్ని నెలలుగా జబ్బుతో బాధపడుతున్నారు. ఈరోజు ఉదయం ఆమె తుదిశ్వాస విడిచారు. ఆమె మృతి నందమూరి కుటుంబంతో పాటు దగ్గుబాటి కుటుంబాన్ని కూడా విషాదంలో ముంచేసింది.పద్మజ గారు ప్రముఖ నిర్మాత దగ్గుబాటి వెంకటేశ్వరరావు సోదరి కావడం గమనార్హం. అంటే, ఆమె నటుడు దగ్గుబాటి వెంకటేష్ కి చిన్నమ్మ. అందుకే ఈ వార్త దగ్గుబాటి అభిమానులను కూడా కలచివేసింది. ఆమె సినీ, రాజకీయ కుటుంబాల్లో గౌరవాన్ని సంపాదించుకున్న వ్యక్తి.
సీఎం చంద్రబాబు నివాళి
పద్మజ భౌతికకాయానికి హైదరాబాదులో ఏపీ సీఎం చంద్రబాబు నాయుడు (Chandrababu Naidu) వెళ్లి నివాళులర్పించారు. ఆమె కుటుంబ సభ్యులను ఓదార్చారు. పద్మజ తన అత్త తర్వాత కుటుంబ బాధ్యతలు తీసుకున్నారని చెప్పారు. తన పెళ్లికి సంబంధించి ఏర్పాట్లన్నింటిని జయకృష్ణ–పద్మజ దంపతులే చూసారని ఆయన గుర్తు చేసుకున్నారు.పద్మజ మృతిపై చంద్రబాబు తీవ్ర దిగ్భ్రాంతి వ్యక్తం చేశారు. ముఖ్యంగా జయకృష్ణ గారికి ఇది తీరని లోటుగా పేర్కొన్నారు. పద్మజ గారు ఎంతో సంయమనం కలిగి ఉండేవారని, అందరితో కలిసిపోయే స్వభావం కలిగినవారని చంద్రబాబు తెలిపారు. ఆమె ఆత్మకు శాంతి చేకూరాలని ప్రార్థించారు.
సినీ రంగంలో జయకృష్ణ పాత్ర
పూర్వంలో చంద్రబాబు సినిమాటోగ్రఫీ శాఖ మంత్రిగా ఉన్న సమయంలో జయకృష్ణ గారు సినిమా ఎగ్జిబిటర్గా ఉండేవారని చెప్పారు. అప్పట్లో ఆయన తరచూ తనను కలవడమయ్యేదని, అదే సమయంలో ఎన్టీఆర్ కుటుంబంతో తనకు పరిచయం మొదలైందని వెల్లడించారు. జయకృష్ణ గారు సినీ రంగంలో తమదైన ముద్ర వేసిన వ్యక్తి అని చెప్పారు.ఈ విషాద సమయంలో నందమూరి కుటుంబానికి తాము తోడుగా ఉంటామని చంద్రబాబు హామీ ఇచ్చారు. పద్మజ గారి మృతి కేవలం ఓ కుటుంబానికి కాదు, రెండు సినీ రాజకీయ వంశాలకు తీరని లోటని పేర్కొన్నారు. కుటుంబ సభ్యులు ఈ వేదనను అధిగమించాలని, దైవం వారికి శక్తినివ్వాలని ఆకాంక్షించారు.
Read Also :
