పాన్ఇండియా స్టార్ ప్రభాస్ నటిస్తున్న తాజా చిత్రం **‘ది రాజా సాబ్’** (*‘The Raja Saab’)కి సంబంధించి ఫిల్మ్ ఫ్యాన్స్కు మరో ఉత్సాహకరమైన అప్డేట్ వెలువడింది. ఇప్పటికే రిలీజ్ చేసిన గ్లింప్స్, టీజర్ ద్వారా ప్రేక్షకులను ఆకట్టుకున్న ఈ చిత్రం ఇప్పుడు పూర్తి ఫుల్-లెంగ్త్ ట్రైలర్ విడుదలకు సిద్ధంగా ఉంది.
యూవీ క్రియేషన్స్ (UV Creations) నిర్వహించబోయే ఈ ట్రైలర్ విడుదల అక్టోబర్ 2న జరిగేలా ప్లాన్ చేస్తున్నారు. ప్రత్యేకంగా చెప్పాలంటే, అదే రోజు విడుదలకాబోయే మరో హిట్ మూవీ **‘కాంతారా ఛాప్టర్ 1’** (‘Kantara Chapter 1’)తో పాటు ఈ ట్రైలర్ను థియేటర్లలో ప్రదర్శించేలా ప్రత్యేక ఏర్పాట్లు చేస్తున్నట్లు సమాచారం.
Sameer Wankhede: బ్యాడ్స్ ఆఫ్ బాలీవుడ్ సిరీస్ వివాదంలో సమీర్ వాంఖడేకు కోర్ట్ లో ఎదురుదెబ్బ
సినిమాపై ఉన్న హైప్ను మరింత పెంచాలని
ఇప్పటికే ఈ ట్రైలర్ సెన్సార్ కార్యక్రమాలు పూర్తయ్యాయి. సుమారు 3 నిమిషాల 30 సెకన్ల నిడివి ఉన్న ఈ ట్రైలర్కు U/A సర్టిఫికెట్ లభించింది.ఈసారి డైరెక్టర్ మారుతి, టీజర్లో చూపించిన రొమాంటిక్, కామెడీ షేడ్స్కి భిన్నంగా, హారర్ – యాక్షన్ ఎలిమెంట్స్తో కూడిన ట్రైలర్ను రెడీ చేశాడట.దీంతో సినిమాపై ఉన్న హైప్ను మరింత పెంచాలని చూస్తున్నారు మేకర్స్.
ఈ చిత్రంలో మాళవిక మోహనన్, నిధి అగర్వాల్, రిద్ధి కుమార్ హీరోయిన్లుగా నటిస్తున్నారు. ముఖ్య పాత్రల్లో వీటీవీ గణేష్, షకలక శంకర్ కనిపించనుండగా, బాలీవుడ్ స్టార్ సంజయ్ దత్ (Sanjay Dutt) విలన్గా తెరపై కనిపించనున్నాడు.మొదట విడుదలైన టీజర్లో డిసెంబర్ 5న సినిమాను రిలీజ్ చేస్తామని ప్రకటించిన చిత్ర బృందం, జనవరి 9, 2025కి చిత్రాన్ని వాయిదా వేసినట్టు తెలుస్తోంది.
ప్రభాస్ రేంజ్ మరింత పెరగడం ఖాయం
ఈ నేపథ్యంలో ట్రైలర్లోనే ఖచ్చితమైన రిలీజ్ డేట్ను వెల్లడించే అవకాశముందని ఇండస్ట్రీ వర్గాలు చెబుతున్నాయి. ట్రైలర్ విడుదలతో సినిమాపై మిగతా అప్డేట్స్ కూడా రెగ్యులర్గా వస్తాయన్న అంచనాలు ఉన్నాయి. ప్రభాస్ ఫ్యాన్స్కు ఇది నిజంగా ఒక పెద్ద సర్ప్రైజ్ అని చెప్పవచ్చు.
ప్రభాస్ నుంచి చాలా కాలం తర్వాత ఒక రొమాంటిక్ ఎంటర్టైనర్ గా వస్తున్న రాజా సాబ్ సినిమాపై అంచనాలు మాత్రం భారీగానే ఉన్నాయి. మారుతి కూడా మూవీపై ప్రత్యేక శ్రద్ధ కనబరుస్తున్నారు. ఈ సినిమాతో ప్రభాస్ రేంజ్ మరింత పెరగడం ఖాయం అంటున్నారు. ఇక ప్రభాస్ నుండి త్వరలో ఫౌజీ, సలార్ 2, స్పిరిట్ చిత్రాలు ప్రేక్షకుల ముందుకు రానున్నాయి. ఇందులో కొన్ని చిత్రాలు సెట్స్ పై ఉన్నాయి. స్పిరిట్ కోసం ఫ్యాన్స్ ప్రత్యేకంగా ఎదురు చూస్తున్నారు.
Read hindi news: hindi.vaartha.com
Read Also:
