చియాన్ విక్రమ్ నటించిన ‘వీర ధీర సూర‘ విడుదల రోజు అనేక అడ్డంకులను ఎదుర్కొన్నా, తర్వాత బాక్సాఫీస్పై నిలదొక్కుకుంది. తొలిరోజు భారీగా ఓపెనింగ్స్ రాకపోయినా, వీకెండ్, రంజాన్, ఉగాది పండుగల ప్రభావంతో సినిమా హోల్డ్ చేసింది. అయితే, ప్రస్తుతం ఈ సినిమా కలెక్షన్లు ఎలా ఉన్నాయి ఎస్యూ అరుణ్ కుమార్ దర్శకత్వంలో రూపొందిన ఈ చిత్రం యాక్షన్, కమర్షియల్ ఫార్ములాలతో ఫ్యామిలీ ఎంటర్టైనర్గా ప్రేక్షకుల ముందుకు వచ్చింది. మార్చి 27న విడుదలైన ఈ సినిమా న్యాయపరమైన సమస్యల వల్ల మధ్యాహ్నం వరకూ ప్రదర్శనలు రద్దయ్యాయి. అయినప్పటికీ, తర్వాత మంచి రెస్పాన్స్ను సంపాదించుకుంది.విక్రమ్ సరసన దుషార విజయన్ హీరోయిన్గా నటించగా, ఎస్జే సూర్య, సూరజ్ వెంజరమూడి, 30 ఇయర్స్ పృథ్వీ, సిద్ధిఖీ వంటి నటులు కీలక పాత్రల్లో మెప్పించారు. జీవీ ప్రకాశ్ కుమార్ సంగీతం అందించగా, హెచ్ఆర్ పిక్చర్స్ బ్యానర్పై రియా శిబు ఈ సినిమాను రూ. 60 కోట్ల భారీ బడ్జెట్తో నిర్మించారు. ప్రపంచవ్యాప్తంగా రూ.30 కోట్ల ప్రీ-రిలీజ్ బిజినెస్ చేసిన ఈ చిత్రం, లాభాల్లోకి రావాలంటే రూ. 31 కోట్ల షేర్, రూ. 64 కోట్ల గ్రాస్ కలెక్షన్స్ సాధించాల్సిన అవసరం ఉంది.
తొలిరోజు ఆశించిన స్థాయిలో ఓపెనింగ్స్ రాకపోయినా, వరుసగా ఐదు రోజుల పాటు పుంజుకుని ప్రపంచవ్యాప్తంగా రూ.23.65 కోట్ల గ్రాస్ వసూళ్లు సాధించింది. 2025లో విడుదలైన ముర్ముర్, గేమ్ ఛేంజర్, కాదలిక్క నెరమిల్లయై వంటి తమిళ సినిమాలను కలెక్షన్ల పరంగా అధిగమించింది. 2025లో అత్యధిక వసూళ్లు సాధించిన తమిళ చిత్రాల్లో ‘డ్రాగన్’ (రూ.88.38 కోట్లు) టాప్లో ఉండగా, ‘విదాముయార్చి’ (రూ.78.58 కోట్లు), ‘మద గజ రాజా’ (రూ.47.57 కోట్లు) తర్వాతి స్థానాల్లో ఉన్నాయి.వీకెండ్, పండగ సీజన్ ముగిసినప్పటికీ ‘వీర ధీర సూర’ స్థిరంగా కొనసాగుతోంది. 6వ రోజు ఉదయం షోలకి 14.38%, మ్యాట్నీలకు 25.28%, సెకండ్ షోలకు 23.93%, చివరి షోలకి 30.62% ఓవరాల్గా 23.55% ఆక్యుపెన్సీ నమోదైంది. చెన్నైలో 430 షోలు, బెంగళూరులో 197, మధురైలో 105, కోయంబత్తూరులో 156 షోలు ప్రదర్శించబడ్డాయి.సాక్నిక్ రిపోర్ట్ ప్రకారం, మంగళవారం ఈ సినిమా ప్రపంచవ్యాప్తంగా రూ.2.4 కోట్ల గ్రాస్ వసూలు చేసింది. దీంతో మొత్తం కలెక్షన్లు రూ.31 కోట్లకు చేరాయి. ఇందులో ఇండియాలో రూ.27.6 కోట్లు, ఓవర్సీస్లో రూ.3.4 కోట్లు వచ్చాయి. ఈ సినిమా బ్రేక్ఈవెన్ దశ చేరుకోవడానికి ఇంకా దూరమే. రానున్న రోజుల్లో విక్రమ్ మ్యాజిక్ చేస్తాడో లేదో చూడాలి!
