Latest News: OTT: ఈ వారం ఓటీటీలో రిలీజ్ అయ్యే మూవీస్ ఇవే!

ఈ మధ్య ఎక్కువగా, సినీ ప్రియుల దృష్టి ఓటీటీ (OTT) ప్లాట్‌ఫామ్‌ల వైపు మళ్లుతోంది.. థియేటర్‌కు వెళ్లే అవకాశం లేని వారు, కుటుంబంతో కలిసి ఇంట్లోనే వినోదాన్ని ఆస్వాదించాలనుకునే ప్రేక్షకులు కొత్త సినిమాలు, వెబ్ సిరీస్‌ల కోసం ఆసక్తిగా ఎదురుచూస్తుంటారు. ఈ వారం ఓటీటీ ప్రేమికులకు ప్రత్యేక ఆకర్షణగా నిలవబోతోంది ‘రాజు వెడ్స్‌ రాంబాయి’ సినిమా (‘Raju Weds Rambai’ movie). థియేటర్లలో విడుదలైనప్పటి నుంచి యువతలో మంచి బజ్‌ను సృష్టించిన ఈ సినిమా ఇప్పుడు డిజిటల్ (OTT) ప్రేక్షకులను అలరించడానికి రెడీ అయింది. గత నెల థియేటర్లలో విడుదలై యువతను విశేషంగా ఆకట్టుకున్న ఈ సినిమా ఇప్పుడు గురువారం నుంచి ఈటీవీ విన్‌ (Etv Win) లో స్ట్రీమింగ్ కానుంది.

‘ప్రేమంటే’

ప్రియదర్శి నటించిన ‘ప్రేమంటే’ చిత్రం. నవనీత్ శ్రీరామ్ దర్శకత్వం వహించిన ఈ సినిమా ఓటీటీ ఎంట్రీకి రెడీ అయింది. ఆనంది కథానాయికగా నటించిన ఈ చిత్రంలో సుమ కనకాల, వెన్నెల కిశోర్ కీలక పాత్రలు పోషించారు. ‘‘సారం లేని సంసారం వద్దు… విడాకులే ముద్దు’’ అనే డైలాగ్‌తోనే ఈ సినిమా టోన్‌ను స్పష్టంగా చెప్పేశారు దర్శకుడు.థియేటర్లలో నవ్వులు పంచిన ఈ చిత్రం ఇప్పుడు శుక్రవారం నుంచి నెట్‌ఫ్లిక్స్ (Netflix) వేదికగా ప్రేక్షకులను అలరించనుంది.