Samantha marriage: ఈషా కేంద్రంలో సంప్రదాయ ‘భూత శుద్ధి వివాహం(Bhoota Shuddhi Wedding)’ ద్వారా ఈ జంట ఒక్కటైంది. భావాలు, ఆలోచనలు, భౌతిక అంశాలకు అతీతంగా, ఇద్దరి మధ్య ఆధ్యాత్మికంగా మరింత గాఢమైన అనుబంధాన్ని ఏర్పరచే పవిత్ర కర్మకాండగా ఇది భావించబడుతుంది.
లింగ భైరవి ఆలయం సహా కొన్ని ప్రత్యేక దేవాలయాల్లో ఈ విధి నిర్వహిస్తారు. ఈ క్రతువు దంపతుల మధ్య ఐక్యత, శాంతి, శ్రేయస్సు, ఆధ్యాత్మికత పెంచుతుందని నమ్మకం. కాగా లింగ భైరవి దేవి ప్రతిష్ఠను సద్గురు స్వయంగా నిర్వహించిన విషయం తెలిసిందే.
Read Also: Samantha- Raj Nidimoru: పెళ్లి ఫోటోస్ షేర్ చేసిన సమంత
సద్గురు స్థాపించిన లింగ భైరవి ఆలయం
దీని ప్రధాన ఉద్దేశ్యం దంపతుల మధ్య జీవితాంతం నిలిచే అర్థం, అనుబంధం, సహజీవనంలో ఆధ్యాత్మిక సమతుల్యతను స్థాపించడమే. సాంప్రదాయ రీతిలో జరిగే వివాహాలకన్నా ఈ విధానం మరింత లోతైన ఆధ్యాత్మిక అనుభూతిని అందిస్తుందని ఇషా సంప్రదాయం చెబుతుంది.
వివాహ సమయంలో మంత్రోచ్చారణలు, ప్రత్యేక హోమాలు, శక్తిపీఠం ముందు పూజలు నిర్వహించబడతాయి. సద్గురు స్థాపించిన లింగ భైరవి ఆలయం ఈ కర్మకాండకు ప్రధాన కేంద్రంగా ఉండడం కూడా ఈ వివాహానికి ప్రత్యేకతను తెస్తుంది.
ఇలా జరిగిన భూతశుద్ధి వివాహం కేవలం రెండు వ్యక్తుల మధ్య బంధమే కాదు ఆధ్యాత్మిక పరిపక్వతకు, అంతర్గత శాంతికి, పరస్పర గౌరవానికి మార్గదర్శకంగా నిలుస్తుందని భక్తులు విశ్వసిస్తున్నారు.
Read hindi news:hindi.vaartha.com
Epaper: epaper.vaartha.com/
Read Also:
