ప్రముఖ నటి రష్మిక మందన్న(Rashmika Mandanna) ప్రధాన పాత్రలో నటిస్తున్న చిత్రం ‘ది గర్ల్ఫ్రెండ్'(The Girlfriend) నుంచి మేకర్స్ మరో కొత్త పాటను విడుదల చేశారు. రాహుల్ రవీంద్రన్ దర్శకత్వంలో తెరకెక్కుతున్న ఈ సినిమా నుంచి ‘నీదే కదా’ అనే మెలోడీ సింగిల్కు సంబంధించిన లిరికల్ వీడియోను బుధవారం రిలీజ్ చేశారు. ఈ సినిమా నవంబర్ 7న ప్రేక్షకుల ముందుకు రానుంది.
Read Also: Rashmika Mandanna: మగాళ్లకి పీరియడ్స్ వస్తే అమ్మాయిల భాధ అర్దమవుతుంది: రష్మిక
పాట విశేషాలు, ట్రైలర్ నేపథ్యం
గీతా ఆర్ట్స్(Geeta Arts) సమర్పిస్తున్న ఈ చిత్రం నుంచి వచ్చిన ఈ విషాద గీతానికి ప్రముఖ సంగీత దర్శకుడు హేషమ్ అబ్దుల్ వహాబ్ స్వరాలు సమకూర్చారు. ఈ చిత్రంలో రష్మిక పోషిస్తున్న భూమిక అనే పాత్ర ప్రేమ, విరహ వేదనను ఈ పాట అందంగా ఆవిష్కరించింది. రాకేందు మౌళి సాహిత్యం అందించగా, అనురాగ్ కులకర్ణి ఆలపించారు.
ఇటీవలే విడుదలైన ఈ సినిమా ట్రైలర్ కథాంశంపై ఆసక్తిని పెంచింది. ప్రియుడు విక్రమ్ (దీక్షిత్ శెట్టి) అహంకారం, అనుమానం, హింసాత్మక ప్రవర్తనతో కూడిన ‘టాక్సిక్ రిలేషన్షిప్’లో చిక్కుకున్న బాధితురాలిగా భూమిక పాత్ర కనిపిస్తుంది. ఈ నేపథ్యంలో వచ్చిన ‘నీదే కదా’ పాట కథలోని భావోద్వేగాలను మరింత బలంగా తెలియజేస్తోంది.
దర్శకుడిపై రష్మిక నమ్మకం
ఈ సినిమాపై, దర్శకుడు రాహుల్ రవీంద్రన్పై రష్మిక పూర్తి నమ్మకాన్ని వ్యక్తం చేశారు. రాహుల్ హృదయంలోని సున్నితత్వం, భావోద్వేగ లోతు సినిమాలోని ప్రతి ఫ్రేమ్లో కనిపిస్తాయని ఆమె గతంలో ప్రశంసించారు. ‘ది గర్ల్ఫ్రెండ్’ ద్వారా తనకు ఒక మంచి దర్శకుడే కాకుండా, జీవితకాల స్నేహితుడు దొరికాడని ఆమె పేర్కొన్నారు. రాహుల్ రవీంద్రన్ రచన, దర్శకత్వం వహించిన ఈ చిత్రానికి కృష్ణన్ వసంత్ సినిమాటోగ్రఫీ అందిస్తున్నారు.
Read hindi news :hindi.vaartha.com
Epaper : epapervaartha.com
Read Also :
