మలయాళ సినీ పరిశ్రమలో టోవినో థామస్కు ఉన్న క్రేజ్ గురించి ప్రత్యేకంగా చెప్పక్కర్లేదు. తన విలక్షణమైన నటనతో ఎన్నో విజయవంతమైన సినిమాల్లో మెరిసిన ఈ యువహీరో తాజా చిత్రం ‘నరివెట్ట’ (Narivetta) తో మరోసారి ప్రేక్షకుల మనసు గెలుచుకున్నాడు. ఈ సినిమా మే 23న థియేటర్లలో విడుదలై మంచి పాజిటివ్ టాక్ను అందుకుంది. ఇప్పుడు ఈ సినిమా జూలై 11 నుంచి ప్రముఖ ఓటీటీ ప్లాట్ఫార్మ్ సోనీలివ్లో స్ట్రీమింగ్ అవుతోంది.
కథ నేపథ్యం
2003వ సంవత్సరంలో నడిచే కథ ఇది. వర్గీస్ (టోవినోథామస్) కేరళలోని ఒక ప్రాంతంలో తన తల్లితో కలిసి నివసిస్తూ ఉంటాడు. టైలరింగ్ పనిచేస్తూ తల్లినే ఆ కుటుంబాన్ని నెట్టుకొస్తూ ఉంటుంది. సాధ్యమైనంత త్వరగా ఏదైనా ఉద్యోగం చూసుకోమని ఆమె కొడుకుని కోరుతూ ఉంటుంది. అదే విలేజ్ కి చెందిన నాన్సీ (ప్రియంవద కృష్ణన్)తో అతను ప్రేమలో పడతాడు. అయితే ఎలాంటి జాబ్ లేని అతనికి తన కూతురునిచ్చి పెళ్లి చేయడం ఆమె తండ్రికి ఇష్టం ఉండదు.ఈ నేపథ్యలోనే పోలీస్ డిపార్టుమెంటులో వర్గీస్ (Varghese) జాబ్ సంపాదిస్తాడు. పై అధికారుల ధోరణి నచ్చకపోయినా, అయిష్టంగానే రోజులు నెట్టుకొస్తూ ఉంటాడు. ఆ సమయంలోనే అతనికి బషీర్ (సూరజ్ వెంజరమూడు) పరిచయమవుతాడు. వయనాడ్ లో జరుగుతున్న ఆదివాసీల పోరాటాన్ని అణచివేసే డ్యూటీ పడుతుంది. దాంతో బషీర్ టీమ్ తో కలిసి వర్గీస్ కూడా వెళతాడు. మొదటిసారిగా అతను ఆదివాసీలు భూమి కోసం చేస్తున్న పోరాటాన్ని దగ్గరగా చూస్తాడు.
అటవీ ప్రాంతంలో
ఆదివాసీల వెనుక మావోయిస్టులు చేరి ఈ పోరాటం చేయిస్తున్నారనే అనుమానం సీనియర్ పోలీస్ ఆఫీసర్ రఘురామ్ (చేరన్) కి ఉంటుంది. మావోయిస్టుల జాడ కనిపెట్టడానికి వెళ్లినవారిలో బషీర్ మిస్సవుతాడు. బషీర్ ను వెతుకుతూ వెళ్లిన వర్గీస్ కి ఎలాంటి పరిస్థితులు ఎదురవుతాయి? అప్పుడు అతను ఏం చేస్తాడు? ఆదివాసీలను కట్టడి చేయడానికి వచ్చిన అతను, వాళ్లకి అండగా ఎందుకు నిలబడతాడు? అనేది మిగతా కథ. ఈ కథలో 80 శాతం వరకూ అటవీ ప్రాంతంలో జరుగుతుంది. పోలీసులకు, ఆదివాసీ (Adivasi) లకు మధ్య జరిగే పోరాటమే ప్రధాన ఇతివృత్తంగా ఈ కథ తెరకెక్కింది. తెరపై చాలామంది కనిపించినా ప్రధానమైన పాత్రలు అరడజను వరకు మాత్రమే కనిపిస్తూ ఉంటాయి. ఈ పాత్రలను డిజైన్ చేసిన తీరు బాగుంది. సహజత్వానికి చాలా దగ్గరగా ఈ పాత్రలన్నీ కదులుతూ ఉంటాయి.
నరివెట్ట (Narivetta) సినిమాకి నిజమైన కథ ఏమిటి?
నరివెట్ట సినిమా కథ 2003లో జరిగిన ముతంగా గిరిజన ఉద్యమం (Muthanga Tribal Protest) ఆధారంగా రూపొందించబడింది. ఈ ఉద్యమం కేరళ రాష్ట్రంలోని గిరిజన ప్రాంతాల్లో భూమి హక్కులు, ప్రభుత్వ నియంత్రణ, అణచివేతపై జరుగిన తీవ్రమైన సంఘర్షణగా చరిత్రలో నిలిచింది.
నరివెట్ట సినిమా చూడదగినదేనా?
అవును, నరివెట్ట సినిమా తప్పకుండా ఒకసారి చూడదగ్గ సినిమా. ఈ చిత్రం ముఖ్యంగా సామాజికంగా ప్రభావవంతమైన కథా నేపథ్యంలో రూపొందిన మలయాళ సినిమా ప్రేమికులకు, మూలవాసుల హక్కులు, అణచివేత, పోలీసు దాడులు, న్యాయ పోరాటం వంటి అంశాలపై ఆసక్తి ఉన్నవారికి ఎంతో ఆసక్తికరంగా ఉంటుంది.
Read hindi news: hindi.vaartha.com
Read Also: Oh Bhama Ayyo Rama: ‘ఓ భామ అయ్యో రామ’ మూవీ రివ్యూ
