తమిళంలో రూపొందిన ‘నాడు సెంటర్’ అనే స్పోర్ట్స్ డ్రామా వెబ్ సిరీస్ టీనేజ్(Teenage) జీవితం బాస్కెట్ బాల్ నేపథ్యంతో ప్రేక్షకుల ముందుకు(Nadu Center) వచ్చింది. నరు నారాయణన్ దర్శకత్వం వహించిన ఈ సిరీస్లో సూర్య సేతుపతి కీలక పాత్రలో నటించగా శశికుమార్, రెజీనా, ఆశా శరత్ ముఖ్య పాత్రలు పోషించారు. ఈరోజు 7 భాషల్లో తొలి మూడు ఎపిసోడ్లు స్ట్రీమింగ్కి వచ్చాయి.
Read also: సైబర్ నేరగాళ్లకు డేటాను అమ్మి కోట్లు సంపాదించిన రవి
కథ
టీనేజ్లోకి ప్రవేశించిన ప్రదీప్ కుమార్(Nadu Center) బాస్కెట్ బాల్లో మంచి ప్రతిభ చూపుతాడు. అతని తండ్రి కథిర్ సాధారణ ఉద్యోగి అయినప్పటికీ, కుమారుడి చదువులోనూ, క్రీడల్లోనూ ప్రోత్సహిస్తాడు. ఒక అనుకోని పరిస్థితి కారణంగా ప్రదీప్ తన స్కూల్ను మారాల్సి వస్తుంది. కొత్త స్కూల్ మాత్రం మాస్ ఏరియాలో ఉండి, అక్కడి విద్యార్థుల్లో అధికంగా రఫ్ బిహేవియర్, చెడు అలవాట్లు కనిపిస్తాయి. ఇదంతా చూసి ప్రదీప్ అసౌకర్యంగా ఫీలవుతాడు. అతడు బాస్కెట్ బాల్ ప్లేయర్ అని తెలిసిన వైస్ ప్రిన్సిపాల్ పార్వతి, స్కూల్కు మంచి పేరు తీసుకురావాలనే ఉద్దేశంతో అతడి సహాయంతో ఒక మంచి టీమ్ను తయారు చేయాలని ప్రయత్నిస్తుంది. అయితే తరగతి సహచరులు అతడిని రెచ్చగొట్టడంతో అక్కడి నుంచి కథలో టెన్షన్ మొదలవుతుంది.
విశ్లేషణ
టీనేజ్ దశలో పిల్లల ఆలోచనల గందరగోళం, పేరెంట్స్ అంచనాలు, స్నేహాలు, ఆకర్షణలు – అన్నీ కలగలిసి ఒక వాతావరణాన్ని సిరీస్ బాగా ప్రతిబింబించింది. క్రీడలలో ముందుకు రావాలనే ఆశయం ఉన్న ఒక కుర్రాడి ఎదుగుదలను, అతని చుట్టూ ఉన్న ప్రతికూలతలను చూపడంలో దర్శకుడు సక్సెస్ అయ్యాడు. గొడవలు, రౌడీయిజం పట్ల ఆకర్షణ ఎంత ప్రమాదకరమో, కానీ క్రీడలు, లక్ష్యాలపై దృష్టి పెడితే జీవితమే మారుతుందో అనే సందేశాన్ని ఈ సిరీస్ అందిస్తుంది. మొదటి మూడు ఎపిసోడ్స్ సగటుగా అనిపించినప్పటికీ, తర్వాతి ఎపిసోడ్స్పై మంచి అంచనాలు ఉన్నాయి.
పనితీరు
టీనేజ్ పిల్లల నటన సహజంగా కనిపిస్తుంది. సీనియర్ నటీనటులు తమ పాత్రలకు న్యాయం చేశారు. క్యామరా వర్క్, సంగీతం, ఎడిటింగ్ సరళంగా, కథకు తగ్గట్టుగా ఉన్నాయి.
ముగింపు
టీనేజ్ పిల్లలు స్కూల్, ఇంటి మధ్య ఎదుర్కొనే సమస్యలు, చెడు అలవాట్ల మధ్య ఎలా దారి తప్పకుండా నిలబడాలో చూపించే ప్రయత్నం చేసిన సిరీస్ ఇది. భావోద్వేగాలు, క్రీడా నేపథ్యం కలగలిసిన ఈ కథ ముందుకు ఎలా సాగుతుందో మిగతా ఎపిసోడ్స్పై ఆసక్తి పెరుగుతోంది.
Read hindi news : hindi.vaartha.com
Epaper : epapervaartha.com
Read Also:
